Maki 3:2 - The Keyagana NT and 25 OT books

² Mago vayaʼamogimo agoti huʼa atesayafeʼmo ageʼa maiʼneʼapaeʼmo, Sapati afinaʼmo alino api aeno atesifigeta agegaune, huʼa huʼnae.

Maki 3:2 ပူးပေါင်းရင်းမြစ်များ

Samu 37:32

Hosu vayaʼmogimo fatago vayaʼmo apamagisayafeʼmo aulu hapaeʼa neʼapakae.

Neniyo 6:4

Agesamo afiʼniyaʼmofeʼmo ani kavafeʼmo ohapauʼnigeʼa lole hogote vekalanagi polovenesile yagaiʼnaya vayanagi huʼa Neniyoʼmo gamani aliʼyaʼafiʼmo mago afole aiʼnisiya hosu kavaʼamo ageteʼa agoti huʼa atesayafeʼmo amalageka huʼa kahauya huʼnayaʼmonanafa mago hosu kavaʼamo oʼageʼnae. Muki afinaʼmo alagepa aliʼyaʼmo aliʼniyaʼmofeʼmo mago kayagi kayaga kavaʼamofi hosu kavaʼamofi huʼa oʼageʼnae.

Matiyu 12:10

Mago vekamo ayaʼmo aeno ape leʼniya vekamo ani nopiʼmo maiʼniye. Mago vayaʼamogimo agoti huʼa atesayafeʼmo, mago vekamoʼa Sapati afinaʼmo kaita hauʼnisiya vekamo alino hageno atesiyaʼmoʼmo keʼaepa gemo amagino ataleʼnifiye, huʼa ge huʼa afi geʼnae.

Maki 3:3

Yesuʼa ayaʼmo kalage kiʼniya vekaeʼmo hunoʼaeʼmo, he tika manile eno, huno hutenoʼaeʼmo

Luki 14:1

Mago Sapati afinaʼmo Yesuʼa Falasi vekamo yagaino neʼapateya vekamo nopiʼmo neʼyaʼmo nesiyafeʼmo uno haino maiʼnigeʼapaeʼmo yagaiʼa maiʼneʼa aulu heʼa ageʼa maiʼnae.

Luki 20:20

Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae.

Luki 6:7

Keʼaepa gemo avoʼmo kaeʼa aliʼa apaya neʼmalaya vayaʼe Falasi vayaʼmogiʼeʼmo hosu kavaʼmo nehiye, huʼa hisaya kafeʼmo kahauya huʼa agesayafeʼmo yagaiʼa maiʼnae. Ageteʼapaeʼmo, Sapati afinaʼmo ayaʼmo alino api aino atesifigetae, huʼa huteʼa agava maiʼnae.

Yoni 8:6

Amalageka huʼa afiteʼapaeʼmo hosu gemo huʼniye, huʼa huteʼa agoti huʼa atesaya geeʼmo kahauya hisayafeʼmo ge huʼa afi geʼnayaʼmonanafa ape huno maiʼneno ati yagaina ayatetiʼmo mopaleʼmo avoʼmo kaeno maiʼniye.

Yoni 9:16

Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.