Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maki 2:24 - The Keyagana NT and 25 OT books

24 Falasi mono vayaʼmogi Yesufeʼmo huʼapaeʼmo, Apako, huʼa, gekamo neʼafiya vayaʼmogimo Sapati afinaʼmo keʼaepa getimo amagiʼa neʼatalae, huʼa huʼnae.

အခန်းကိုကြည့်ပါ။ ကော်ပီ




Maki 2:24
18 ပူးပေါင်းရင်းမြစ်များ  

Aligayaʼmonanafa seveni afinaʼmo Ala kava neʼmo Gotitapimoʼnalefeʼmo alita aote afinaʼmo malegae. Sapati afinaʼmo maitapa haga lesaya afinaʼmo haneʼniyanagetapa aliʼyaʼmo oʼaligae. Lapakaitapigi mafaʼnetapigi aliʼyatapimo neʼaliya vayanagi afutapigi alu kotegatiʼmo eʼa lapakaeʼeʼmo magokepi lokaeʼa maiʼnisaya vayanagi hutapa aliʼyaʼmo oʼaligae.


Ani agufa kavaʼmo nehiya vekamo aulena vekamo maiʼniye. Sapati afinaʼmo maiʼa haga nelaya afinaʼmo keʼaepa gemo akame nehaya vayaʼmo aulena vayaʼmo maiʼnae. Apakaemo Sapati afinaʼmo aliʼa hosu huʼa ateteʼa mago agufa hosu kavaʼmo nosae.


Haʼao, Ala kava neʼmoʼa hunoʼaeʼmo, Anamo vayaʼmogi Sapati afinaʼnimo akame huge nahauʼniya kavaʼmo akame hisayafeʼmo lekana pai maleʼneʼa akame huge kotalake geʼnimo atafau alagi huʼneʼa akame huge nehisaya vayaʼmogi nagaetegatiʼmo ala apakiʼapimo aligae. Nagaemo afamo anaga vayaʼnifiʼmo aliʼna apatesugeʼa ala apakiʼapimo aligae. Ani anamo vayaʼmogi ve mafaʼneʼe aʼmafaʼneʼeʼmo aliʼa apateʼnaesinana ala apakiʼapimo aliʼnaesine. Apakiʼapimo aliʼnaesinaʼmonanafa nagaemo apatesuva apakiʼapimoʼmo aeno aga segaiye. Nagaemo apatesuva apakiʼapimoʼmo muki afinaʼmo hanege hanege huno hanegaiye. Mago vekamoʼmo ani apakiʼapimo apayapatiʼmo alino hapa faleno oʼatalegaiye.


Nagaemo apakaemo alu kotega vayaʼmogi mafaʼneʼapimogi Ala kava nefeʼmo mono huteʼa akame huge agiʼalefeʼmo hapau apayamopafiʼmo hapauge aliʼyaʼamo alige huʼa maisayafeʼmo eʼa Ala kava neʼeʼmo magokepi lokaeʼa maisaya vayaʼmo apavaleliʼna egauve. Nagaemo apakaemo Sapati kavaʼmo aliʼa hosu huʼa oʼategayaʼmonanafa nagaemo kotalakemo hu maleʼnova gemo atafau alagi huʼneʼa akame hisaya vayaʼmo nagaemo apavaleliʼneʼna haiʼneʼna nagae aote aveleʼmo apateteʼna apamogaga aisaya yaʼmo apamisugeʼa nunumuʼmo nehaya mono noʼnifiʼmo apamogaga aigae. Vayaʼmogimo noʼnieʼmo, huʼapaeʼmo muki nofi vayaʼmogimo nunumuʼmo hisaya noʼmo haneʼniye, huʼa hugayaʼmofeʼmo apakaemo ofalini nehaya hiʼyalamuʼnileʼmo atafi nekaeya ofalinimoʼe afumo amagiʼnaya ofalinimoʼeʼmo namisageʼna hapao ke heteʼna aliguve.


Lapakaemo Sapati keʼaepa gemo amagita oʼatalege aote hu maleʼnova afinaʼmo amega lapakufamo amogaga neʼaiya kavaʼmo osuge lapakaemo hutapaeʼmo, Sapati afinafeʼmo lahauʼnigeta lamogaga neʼaune, hutapa huge Ala kava neʼmo aote afinaʼamo ala agiʼamo amige lapakaitapi aliyatapimo oʼalige lapauʼnisiya kavaʼmo kahau aetapa osuge lapamete lapakaitapi gemo osuge hutapa neʼmaisayana Ala kava nefekeʼmo lapamogaga aigae. Nagaemo lapa maesugetapa ala lapaki aliteta alagepa hutapa maiʼnetapaeʼmo afotapimoʼmo Yekopu hetamafatiʼmo aliteta alagepa neʼyaʼmo negae. Ala kava neʼmoʼa ani gemo huʼniye.


Falasi mono vayaʼmogimo apaketeʼapaeʼmo Yesufeʼmo huʼapaeʼmo, Apako, huʼa, gekamo neʼafiya vayaʼmogimo Sapati afina keʼaepa gemo ago amagiʼa neʼatalae, huʼa ha paiʼnagenoʼaeʼmo,


Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apakayana Yesuʼagi takesi moni neʼaliya vayanagi keʼaepa gemo akame nosaya vayanagi huʼa magokepi lokaeʼa maiʼneʼa neʼyaʼmo neʼnageʼa apaketeʼapaeʼmo geʼamo neʼafiya vayaʼaifeʼmo hapa paiʼapaeʼmo, na kava higeno ani agufa vayaʼeʼmo magokepi lokaeno maiʼneno neʼyaʼmo neʼne, huʼa ge huʼa apafi geʼnae.


Yesuʼa hunoʼaeʼmo, Neviniʼe avagi huʼa uʼnaya vayaʼmogiʼeʼmo apaka teʼnigeʼapaeʼmo huʼnaya kavafeʼmo ava gemo lekana paita oʼafiʼnafiye.


Gotikeʼmo vayaʼai hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.


Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ