Maki 2:21 - The Keyagana NT and 25 OT books

²¹ Atafa lavolavomo halo neʼaigeʼapaeʼmo saufa lavolavomo sese osuʼnaya lavolavoletiʼmo lagauʼa nofakaniye. Saufa lavolavoletiʼmo lagauʼa fakanisayana sese nehisagenoʼaeʼmo atupaʼamo aino vayu hisigeno atalagauno alino avala aisigeno magoʼe huno alopa kaʼmo halo aigiye.

Maki 2:21 ပူးပေါင်းရင်းမြစ်များ

Aiyeya 57:16

Nagaemo muki afinaʼmo agoti huʼna apatege naipamo leʼna apatege osuguve. Ani agufa kavaʼmo hume hume uvesinana alo huʼna apateʼnova vayaʼmogi apauneʼapameʼmo aʼaunena aiyesine.

Matiyu 9:16

Atafa lavolavomo apake neʼaigeʼapaeʼmo saufa lavolavomo sese osuʼnaya lavolavoletiʼmo lagauʼa nofakaniye. Saufa lavolavoletiʼmo lagauʼa fakaniteʼa sese nehisagenoʼaeʼmo atupaʼamoʼmo aino vayu hisigeno atalagauno alino avala aigiye.

Maki 2:20

Henagaʼamo mago vayaʼmogi a aligefe huʼniya vekamo avaleliʼa visageʼapaeʼmo neʼyaʼmo mo sigae.

Maki 2:22

Ina kava huʼa vayaʼmogimo saufa nofi alagafati aniʼmo aliʼa atafa afu agufa kepiʼmo nolakiye. Aliʼa lakisayana aniʼmoʼa atafa keʼmo aeno apalo atino asagauno aisigeno keʼaʼeʼmo alagi hosugiye. Saufa aniʼmo saufa kepiʼmo lakisagenoʼaeʼmo afaʼa hanegaiye, huno hapa paiʼniye.

Luki 5:36

Yesuʼa magoʼe huno aeno kalafefa gemo huno hapa painoʼaeʼmo, atafa kukenamo apake neʼaigeʼapaeʼmo saufa kukenaletiʼmo lagauʼa atafa kukenaleʼmo maleʼneʼa nofakaniye. Atalagausiyaʼmoʼmo saufa kukenamo hosugiye. Saufa kukena atupaletiʼmo lagauʼa atafa kukenaleʼmo fakanisayana alu ya alu yaʼmo hanegaiye.

1 Kolitiyani 10:13

Lapakaetegamo aeto aeto agufa lapamalagekaʼmo hisaya kavaʼmo muki vayaʼaitegamo apamalageka nehiya kavakeʼmo afole aiʼniye. Gotiʼa huguve, huno nehiya kavaʼmo alagi nehiya vekamo maiʼniyaʼmofeʼmo lapamalageka hisiya kavaʼmoʼa aeno lapakasesiya kaʼmo afaʼa valino oʼategaiye. Lapamalageka hisigetapaeʼmo asagauta oʼaitapa he titapa maisayafeʼmo faita kasalo paesaya kaʼmo afaʼa valino lapategaiye.