Maki 2:2 - The Keyagana NT and 25 OT books

² asole vayaʼmo malage huʼa eʼa aliʼa anupa huʼa maiʼnaya nopiʼmo uʼa haiʼa maiʼa kili paeteʼa kipategaʼeʼmo mailiʼa emi eʼnageno maisaya yaʼmo ohaneʼniye. Yesuʼa Goti gemo aeno hakalo huno hapa nepaigeʼapaeʼmo

Maki 2:2 ပူးပေါင်းရင်းမြစ်များ

Samu 40:9

Nagaemo asole vayaʼmo eʼa aliʼa anupa huʼa maiʼnaya yateʼmo fatago kavakaeʼmo alagepa faigoko gekamo aeʼna hakalo huʼna hapa paiʼnove. Ago nageʼnanana afaʼa oʼmaiʼna gekamo aeʼna hakalo huʼna hapa nepauve.

Matiyu 5:2

aepa faino alino apaya maleʼniye.

Maki 1:14

Apakaemo ani afinaʼmo Yoniʼa ago kalavusi huʼa ateʼnageno maiʼnigenoʼaeʼmo Yesuʼa Galeliya kotegamo uno Gotiʼa yagaino apatesiya kavafeʼmo alagepa faigoko gemo aeno hakalo huno hapa paiʼniye.

Maki 1:33

Muki ani taonifiʼmo maiʼnaya vayaʼmo eʼa kipateʼmo aliʼa anupa huʼa maiʼnae.

Maki 1:45

Ani ge huʼniyaʼmonanafa neʼunoʼaeʼmo muki vayaʼaifeʼmo hapa pai male hapa pai male hulino uʼniye. Ina kavaʼmo huʼniyaʼmofeʼmo Yesuʼa muki vayaʼai apaulagaleʼmo taonifiʼmo afaʼa oʼuʼniye. Vayaʼmo oʼmaiʼnaya kotegamo uno maiʼnigeʼapaeʼmo agaetegamo muki haopalegatiʼmo ete ete huʼnae.

Maki 2:1

Aise afinaʼmo utegeno Yesuʼa atagi neno Kapeneyam taonifiʼmo noʼaleʼmo maiʼnigeʼa ageteʼapaeʼmo, noʼafiʼmo ago eno maiʼniye, huʼa hapa paiʼnageʼa afiteʼapaeʼmo

Maki 2:13

Yesuʼa halate aino atagi neno Galeliya kotega ani kotutegamo uʼniye. Uno maiʼnigeʼapaeʼmo asole vayaʼmo eʼa aliʼa anupa huʼa maiʼnageno alino apaya maleʼniye.

Maki 6:34

Yesuʼa sipifatiʼmo emineno apakeyana asole vayaʼmo eʼa maiʼnageno apaketenoʼaeʼmo, sipisipile neʼyagaiya vekamo oʼmaiʼnigeʼa afa sipisipigana huʼa maiʼnae, huno huteno hau huno apateteno aepa faino alino apaya maleʼniye.

Luki 12:1

Muki asole vayaʼmo eʼa aliʼa anupa huʼa faiʼa kili paeʼa maiʼnagenoʼaeʼmo Yesuʼa geʼamo neʼafiya vayaʼaifeʼmo hunoʼaeʼmo, Falasi vayaʼai peleti mayafiʼmo aeno apafu neleya yafeʼmo aeʼa ati nekaya kavafeʼmo ehetapiye.

Luki 5:17

Mago afinaʼmo Yesuʼa mago nopiʼmo uno haino alino apaya neʼmalegeʼapaeʼmo Falasi vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa Galeliya kotegatiʼmo muki taoniʼafatiʼmo ege Yutiya kotegatiʼmo muki taoniʼafatiʼmo ege Yulusalemu taonifatiʼmo ege huʼa eʼa Yesu haopaleʼmo aliʼa anupa huʼa maiʼnae. Yesuʼa Ala kava neʼmo himamuʼamo aliʼnenoʼaeʼmo alino hapageno apateʼniye.

Luki 8:1

Aise afinaʼmo utegeno Yesuʼa muki aise taonifiʼe alopa taonifiʼeʼmo alagepa faigoko gemo Gotiʼa yagaino neʼapateya kavafeʼmo ava gemo aeno hakalo huno hapa paimale hapa paimale hulino uneno huʼniye. Agaeʼeʼmo tuolofuʼa vayaʼmo geʼamo neʼafiya vayaʼe

Luki 8:11

Aeʼna kalafefa gemo nehuva gemo aepaʼamo haneʼniyana avina yakana huno Goti geʼamo haneʼniye.

Apa 11:19

Sitiveniʼa faliʼniya afinatetiʼmo Goti vayaʼalegamo lusi hanageke kavaʼmo afole aiʼnigeʼapaeʼmo ataleʼa atagu faeʼuʼeʼa huʼnae. Mago vayaʼmo Finisiya kotegamo apaune heʼuʼa maige Saipalasi kotegamo apaune heʼuʼa maige Atiyoki taonifiʼmo apaune heʼuʼa maige huʼneʼapaeʼmo Goti geʼamo Yu vayaʼaifekeʼmo aeʼa hakalo huʼa hapa paiʼnae.

Apa 14:25

Pega taonifiʼmo Goti geʼamo aeʼana hakalo huʼana hapa paiteʼana uʼana Ateliya taonifiʼmo solovala aniʼmo haneʼniya yategamo haneʼnigeʼana uʼana avaʼyi huteʼana sipifiʼmo uʼana haiʼana

Apa 16:6

Apakaemo Filisiya kotegaʼe Galesiya kotegaʼeʼmo umenitata huʼa maiʼnagenoʼaeʼmo Goti Aunemeʼamoʼmo Esiya kotegamo uʼa Goti geʼamo aeʼa hakalo huʼa hapa opaisayafeʼmo ka akanino apateʼniye.

Apa 8:25

Anakaemo Yesu Kalaisiʼa huʼnigeʼana ageʼnaʼa kavaʼmo huge Ala kava neʼmo geʼamo aeʼana hakalo huʼana hapa paige huteʼanaeʼmo apataleʼana atagi neʼana Yulusalemu taonifiʼmo uʼnaʼae. Neʼuʼanaeʼmo Sameliya kotega alu taonifiʼe alu taonifiʼeʼmo alagepa faigoko gemo aeʼana hakalo huʼana hapa paimale hapa paimale huliʼana uʼnaʼae.

Lomu 10:8

Ani kava hiyo, huno nosifa na agufa kavakeʼmo hiyo, huno nehiye. Ani gelefeʼmo, Goti geʼamo lapaopaleʼmo haneʼneno lapavayafiʼe lapaipafiʼeʼmo haneʼniye, huno hapa paiʼniye. Lagaemo ani gelefeʼmo apakesamo afiʼa fatago hisayafeʼmo aeta hakalo huta hapa nepaune.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.