Maki 2:16 - The Keyagana NT and 25 OT books

¹⁶ Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apakayana Yesuʼagi takesi moni neʼaliya vayanagi keʼaepa gemo akame nosaya vayanagi huʼa magokepi lokaeʼa maiʼneʼa neʼyaʼmo neʼnageʼa apaketeʼapaeʼmo geʼamo neʼafiya vayaʼaifeʼmo hapa paiʼapaeʼmo, na kava higeno ani agufa vayaʼeʼmo magokepi lokaeno maiʼneno neʼyaʼmo neʼne, huʼa ge huʼa apafi geʼnae.

Maki 2:16 ပူးပေါင်းရင်းမြစ်များ

Aiyeya 65:5

Apakaemo alu vayaʼaifeʼmo ina gemo huʼa hapa paiʼapaeʼmo, Nagaemo aeʼna kaga seʼna alagi alagepa naote vekamo maiʼnovaʼmofeʼmo lapakaemo nagaeteʼmo afagiʼaleʼmo maitetapa nagaetegamo oʼmeyo. Apakaemo nagaemo lusi kava huno naipamo lesiya agufa kavaʼmo nehagenoʼaeʼmo naipamo neleya kavaʼmoʼa nagoʼya kapatiʼmo halinamo neʼaiye. Muki neteʼe uneʼeʼmo naipamo lena neʼapatove.

Matiyu 18:17

Agaemo anavalelika visana vekalaʼani geʼanimo oʼafisigekaeʼmo siosi vayaʼaifeʼmo hapa paiyo. Agaemo siosi vayaʼai geʼapimo oʼafisigekaeʼmo Goti geʼamo noʼafisaya vayaʼaitegaʼe takesi monimo neʼaliya vayaʼaitegaʼeʼmo nehana kava huka agaetega huvo, huno huteno,

Matiyu 5:46

Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Matiyu 9:11

Falasi mono vayaʼmogi apaketeʼapaeʼmo geʼamo neʼafiya vayaʼaifeʼmo, Na kava higenoʼaeʼmo tisa vekatapimoʼmo takesi moni neʼaliya vayaʼe hosu vayaʼeʼmo magokepi lokaeno maiʼneno neʼyaʼmo neʼne, huʼa ge huʼa apafi geʼnae.

Maki 2:15

Henagaʼamo Yesuʼa uno Livai nopiʼmo neʼyaʼmo neʼniye. Asole vayaʼmo takesi moni neʼaliya vayanagi keʼaepa gemo akame nosaya vayanagi huʼa eʼa agaeʼe geʼamo neʼafiya vayaʼeʼmo magokepi lokaeʼa maiʼneʼapaeʼmo neʼyaʼmo neʼnae. Ani afinaʼmo asole ani agufa vayaʼmo eʼa aepa faiʼa akame huʼnae.

Maki 2:7

Gotikeʼmo vayaʼai hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

Luki 19:10

Vemo Mafaʼnemoʼmo afela heʼnaya vayaʼmo kahauya huno apaketeno apakufamo alino katino apatesiyafeʼmo emineʼniyaʼmofeʼmo ani kavaʼmo ago afole aiʼniye, huno hapa paiʼniye.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 5:30

Falasi vayaʼe Falasi vayapati vayaʼmogimo keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apaketeʼapaeʼmo geʼamo neʼafiya vayaʼaifeʼmo hagalu hagalu huʼa gemo huʼapaeʼmo, na kava higetapaeʼmo takesi moni neʼaliya vayaʼe hosu vayaʼeʼmo magokepi lokaeta maiʼnetapa neʼyaʼe aniʼeʼmo neʼnae, huʼa ge huʼa apafi geʼnagenoʼaeʼmo

Apa 23:9

Alopa gefatiʼmo magoʼe magoʼe gemo huʼa ge vaiʼnae. Mago Falasi vayaʼmo keʼaepa gemo aliʼa apaya neʼmalaya vayaʼmogimo he tiʼa lokiya gefati huʼapaeʼmo, Ani vekamo hosu kavaʼamo oʼageʼnone. Mago auneʼamoʼa eno ha paiʼnifi enisole vekamoʼmo eno ha paiʼnifigi kanalenagi Gotifeʼmo kame huta oʼategetao, huʼa hapa paiʼnae.

1 Kolitiyani 2:15

Afaʼa oʼafigayaʼmonanafa Goti Aunemeʼamo aliʼnaya vayaʼmogigeʼmo muki geʼamo afiteʼa aliʼa fako nehayaʼmonanafa afa vayaʼmogimo afaʼa afiʼa aliʼa fako osugae.

Himulu 12:3

Hosu vayaʼmogimo apaini huʼa ateʼnaya kavafeʼmo lapakesa afifi hutapa maiyo fiku yanageno alagaʼmo lapaesigeno lapaipamoʼmo kana hisigetapa atalegae.