Maki 2:15 - The Keyagana NT and 25 OT books

¹⁵ Henagaʼamo Yesuʼa uno Livai nopiʼmo neʼyaʼmo neʼniye. Asole vayaʼmo takesi moni neʼaliya vayanagi keʼaepa gemo akame nosaya vayanagi huʼa eʼa agaeʼe geʼamo neʼafiya vayaʼeʼmo magokepi lokaeʼa maiʼneʼapaeʼmo neʼyaʼmo neʼnae. Ani afinaʼmo asole ani agufa vayaʼmo eʼa aepa faiʼa akame huʼnae.

Maki 2:15 ပူးပေါင်းရင်းမြစ်များ

Matiyu 5:46

Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Maki 2:14

Apatalenuno ageyana mago takesi moni neʼaliya vekamo Livaiʼa Afiyasi mafaʼneʼmo takesi moni neʼaliya nopiʼmo fai maiʼnigeno ageʼniye. Agetenoʼaeʼmo, eka nakame huvo, huno huʼnigeno Livaiʼa he tinuno akame huʼniye.

Maki 2:16

Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apakayana Yesuʼagi takesi moni neʼaliya vayanagi keʼaepa gemo akame nosaya vayanagi huʼa magokepi lokaeʼa maiʼneʼa neʼyaʼmo neʼnageʼa apaketeʼapaeʼmo geʼamo neʼafiya vayaʼaifeʼmo hapa paiʼapaeʼmo, na kava higeno ani agufa vayaʼeʼmo magokepi lokaeno maiʼneno neʼyaʼmo neʼne, huʼa ge huʼa apafi geʼnae.

Luki 15:1

Mago afinaʼmo takesi moni neʼaliya vayaʼe Yu monoʼmo noʼafiya vayaʼmogiʼeʼmo Yesu geʼamo afisayafeʼmo eʼnae.

Luki 6:17

Avefatiʼmo Yesuʼe apakaeʼeʼmo emi eʼa otuleʼmo he tiʼa maiʼnae. Asole vayaʼmo geʼamo neʼafiya vayanagi muki Yutiya haopalegatiʼmo ege Yulusalemu taonifatiʼmo ege ani haigifatiʼmo Taiya taonifatiʼe Saitoni taonifatiʼeʼmo ege huʼnae. Geʼamo afisayafeʼmo ege kaitaʼapimo alino hapageno apatesiyafeʼmo ege huʼa eʼa maiʼnae.