Maki 2:12 - The Keyagana NT and 25 OT books

¹² apaulagaleʼmo malage huno he tino hiʼyopa kayoʼamo aliteno uʼniye. Uʼnigeʼa ageteʼapaeʼmo hapau aiteʼa Goti agiʼaleʼmo aliʼa asaga huʼa ateteʼapaeʼmo, ani agufa kavaʼmo oʼageʼnona kavane, huʼa huʼnae.

Maki 2:12 ပူးပေါင်းရင်းမြစ်များ

Matiyu 12:23

Muki vayaʼamogimo ageteʼapaeʼmo hapau aiteʼa, agava maiʼnona vekamo Nevini aginagomo maiʼnifi, huʼa huʼnae.

Matiyu 15:31

Ani asole vayaʼmo apakeʼnayana apakemo noʼaiya vayaʼmogimo apakemo aige apaiya apayaʼmo kafafe kafafa huʼniya vayaʼmo alagepa huʼa maige apaiyamo hosuʼniya vayaʼmo alagepa huʼa uʼeʼa huge apaulagamo ali huʼniya vayaʼmo apaulagamo ageʼa ayakege huʼnageʼa apaketeʼapaeʼmo hapau aiʼnae. Inagi Isaleli vayaʼai Gotiʼapimo agiʼaleʼmo aliʼa asaga huʼnae.

Matiyu 9:33

Yesuʼa hosu aune vekamo alino hafaino ataleʼnigenoʼaeʼmo agemo oʼaino neʼmaiya vekamoʼmo aepa faino agemo aiʼnigeʼapaeʼmo aliʼa anupa huʼa maiʼnaya vayaʼmogi ageteʼa hapau aiteʼapaeʼmo, Hogoteno Isaleli kotegamo ani agufa kavaʼmo afole oʼaiʼniye, huʼa huʼnae.

Matiyu 9:8

Asole vayaʼmogimo ani kavaʼmo ageteʼapaeʼmo lusi kava huʼa hapau aiteʼa Gotiʼa ani agufa himamuʼamo vayaʼmo alino neʼapamiyaʼmofeʼmo agiʼaleʼmo aliʼa asaga huʼa ateʼnae.

Maki 1:27

Vayaʼmogi ageteʼa hapau aiteʼa huʼapaeʼmo, na agufa kavaʼmo nehiye. Haiya agufa saufa geletiʼmo alino apaya neʼmale. Agaemo himamuʼaletiʼmo ge nehigeʼapaeʼmo hosu apaune vayaʼmogi geʼamo afiʼnae, huʼa huteʼa hapau aiʼnae.

Maki 2:11

kaha nepauve, huno, he tika hiʼyopa kayokamo aliteka nokalegamo uvo, huno ha paiʼnigeno

Luki 13:13

agufaleʼmo ayaʼmo maleʼnigeno malage huno akameʼyamo aino api aiʼnigeno he titenoʼaeʼmo Goti agiʼaleʼmo alino asaga huno ateʼniye.

Luki 17:15

Ani vayapatiʼmo mago vekamoʼmo agufalegamo ageyana agufalafaʼmo alino hamaleʼnigeno agetenoʼaeʼmo aino atagi neno enoʼaeʼmo alopa gefatiʼmo Goti agiʼaleʼmo alino asaga hulino eno

Luki 5:26

Muki vayaʼamogimo ani kavaʼmo ageteʼapaeʼmo hapau aiteʼa Goti agiʼaleʼmo aliʼa asaga huʼa ateteʼapaeʼmo, hemenimo aeto agufa alagepa kavaʼmo ageʼnone, huʼa huʼnae.

Luki 7:16

Muki vayaʼmogi koli huteʼa Goti agiʼaleʼmo aliʼa asaga huʼa ateteʼa, ala vekamo Gotitegati gemo alinineno aeno hakalo huno hapa nepaiya vekamo lagaetegamo ago afole aiʼniye. Gotiʼa vayaʼamo emineno hapa maeʼniye, huʼa huʼnae.

Yoni 7:31

Asole ve aʼnemogimo agaefeʼmo apakesamo afiʼa fatago huteʼapaeʼmo, Mesaiya vekamo enoʼaeʼmo magoʼe huno noʼagona agufa aune kavaʼmo huteno ani vekamo aeno agasegaifiye, huʼa huʼnae.

Yoni 9:32

Akeyaʼvilaga afinatetiʼmo eno hemenimo maiʼnona afinaʼmo muki vayaʼmogimo itaʼamoʼmo alino ateʼniya afinatetiʼmo mago vekamoʼa aulagalaʼmo aeno agufa heʼniya vekamo aulagalaʼmo alino ayakeno ateʼniya ava gemo oʼafiʼnae. Muki vayaʼmogimo ma mopamo alo huʼniya afinatetiʼmo ani agufa kavafeʼmo ava gemo oʼafiʼa maime maime eʼnae.

Apa 4:21

Kanisole vayaʼmogi ani gemo afiteʼapaeʼmo anamagisayafe huʼnayana muki vayaʼmogi afole aiʼniya kavafeʼmo Goti agiʼaleʼmo aliʼa asaga huʼnayaʼmofeʼmo anakufaleʼmo mago hosu hanageke yaʼmo anamisaya kaʼmo oʼageʼa anataleʼnageʼana uʼnaʼae.