Maki 16:17 - The Keyagana NT and 25 OT books

¹⁷ Apakesamo afiʼa fatago nehaya vayaʼmogi ani agufa noʼagaya aune kavaʼmo hugae. Apakaemo nagiʼniletiʼmo hosu apaune vayaʼaina aliʼa hapa faiʼa apatalege saufa apakemo aige

Maki 16:17 ပူးပေါင်းရင်းမြစ်များ

Maki 9:38

Yoniʼa agaefeʼmo hunoʼaeʼmo, Tisao, huno, ageʼnonana mago vekamoʼmo kagikaletiʼmo hosu apaune vayaʼaina alino hapa faino neʼapatalegeta ageʼnone. Lagaepati vekamo oʼmaiʼniyaʼmofeʼmo ani kava osuka afaʼa atalo, huta huʼnone, huno ha paiʼniye.

Luki 10:17

Sevetiʼa vayaʼmo atagi neʼa Yesutegamo eʼapaeʼmo apamogaga aiteʼapaeʼmo, Ala kava nene, huʼa, kagikaleʼmo neʼaetaeʼmo hosu apaune vayaʼaifeʼmo ina kava hiyo huta huʼnona gemo afiʼnae, huʼa ha paiʼnagenoʼaeʼmo,

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Apa 19:6

Poloʼa apakufaleʼmo ayatalaʼmo maleʼnigenoʼaeʼmo Goti Aunemeʼamo aote Aunemeʼamo emineno apakaeteʼmo aliʼyaʼmo aliʼnigeʼapaeʼmo alu apake alu apakemo aiteʼa Goti geʼamo aeʼa hakalo huʼa hapa paiʼnae.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 5:16

Asole vayaʼmo Yulusalemu haopalega muki taoniʼafatiʼmo kaita hapauʼniya vayaʼe hosu apaune vayaʼmo apaipafiʼmo maiʼniya vayaʼeʼmo apavaleli ete ete huʼa apateʼnageno muki alu kaita alu kaitaʼapimo hapageʼnigeʼa he tiʼnae.

Apa 8:7

Agaemo lokiya kavaʼmo huʼnigeʼapaeʼmo hosu apaune vayaʼmo muki vayaʼai apaipafatiʼmo emiʼeʼapaeʼmo alopa gefatiʼmo ge hu maleʼa ataleʼa apaune heʼnae. Agaemo muki kanage kanaga osuʼa neʼmaiya vayaʼmo alino he tino apatege apaiyamo hosuʼniya vayaʼmo alino api aino apatege huʼnigeʼapaeʼmo

1 Kolitiyani 12:10

Goti Aunemeʼamoʼmo mago vayaʼamogimo aeto agufa noʼagaya aune kavaʼmo hisayafeʼmo lokiyaʼamo apamige mago vayaʼamogimo Goti geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo Goti Aunemeʼaletiʼmo ani gemo nehafi alu aunemeʼaletiʼmo ani gemo nehafi huʼa aliʼa fako huʼa apatesayafeʼmo lokiyaʼamo apamige mago vayaʼamogimo alu apake alu apakemo aisayafeʼmo lokiyaʼamo apamige mago vayaʼamogimo ani alu apake alu apakemo aliʼa afe leʼa hisayafeʼmo lokiyaʼamo apamige nehiye.

1 Kolitiyani 12:28

Gotiʼa muki siosifiʼmo neʼmaiya vayaʼmo alu aliʼya alu aliʼyaʼamo alisayafeʼmo lekana paino apateʼniye. Apa vayaʼmo hogote vayaʼmo lekana paino lateʼniye. Napa tu vayaʼmo agaetegati gemo alini eʼa aeʼa hakalo huʼa hapa nepaiya vayaʼamo lekana paino apateʼniye. Napa tali vayaʼmo aliʼa apaya neʼmalaya vayaʼamo lekana paino apateʼniye. Aeto agufa noʼagaya aune kavaʼmo nehaya vayaʼmo lekana paino apatege kaita nehapaiya vayaʼaina aliʼa hapageʼa neʼapataya vayaʼmo lekana paino apatege hapa neʼmaya vayaʼmo lekana paino apatege yagaiʼa neʼapataya vayaʼmo lekana paino apatege alu apake alu apakemo neʼaiya vayaʼmo lekana paino apatege huʼniye.

1 Kolitiyani 12:30

Muki vayaʼamogi kaita nehapaiya vayaʼmo aliʼa hapageʼa neʼapatafiye. Muki vayaʼamogi alu apake alu apakemo neʼaifiye. Muki vayaʼamogi alu apake alu apakemo aliʼa afe leʼa hapa nepaifiye.

1 Kolitiyani 13:1

Nagaemo ma mopafi vayaʼai apakefatiʼe enisole vayaʼai apakefatiʼeʼmo nagemo neʼaisuvana nahau nayamopafiʼmo oʼnahauʼnisigeʼna veloʼmo neʼamagigenoʼaeʼmo afa agemo aige yaveʼyamo neʼamagigenoʼaeʼmo afa agemo aige nehiya kava huʼna afa gemo nehuguve.

1 Kolitiyani 14:2

Alu apake alu apakemo neʼaiya vayaʼmogi afisaya agufa gefatiʼmo nosayaʼmofeʼmo vayaʼaifeʼmo ge nosafa Gotifekeʼmo ge nehae. Apakaemo alino fala ki maleʼniya gemo Goti Aunemeʼaletiʼmo aliʼa afole aiʼa ateteʼa hapa nepaiye.