Maki 16:15 - The Keyagana NT and 25 OT books

¹⁵ Agaemo hunoʼaeʼmo, muki ma mopafi vayaʼaitegamo uta alagepa faigoko geʼnimo aeta hakalo hutapa hapa paiyo.

Maki 16:15 ပူးပေါင်းရင်းမြစ်များ

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 96:3

Ala agiʼamo amitetapaeʼmo aliʼyaʼmo aliʼniya kavaʼaenagi lokiya kavaʼmo huʼniya kavaʼaenagi huta muki vayaʼaifeʼmo ava gemo huta hapa paiyo.

Samu 98:3

Agaemo Isaleli vayaʼaifeʼmo hu maleʼniya polomasi geʼaeʼmo agesamo afiteno geʼamo akame huno Isaleli vayaʼaifeʼmo hau huno apateʼniye. Muki kotegatiʼmo muki vayaʼmogimo Gotitimoʼmo vayaʼai apakufamo alino katino neʼapateya kavaʼmo ago ageʼnae.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Maki 13:10

Hogoteʼa muki alu nofi vaya alu nofi vayaʼaifeʼmo nava gemo huʼa alagepa faigoko geʼnimo aeʼa hakalo huʼa hapa paiʼa hano hugae.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 20:21

Yesuʼa halate hunoʼaeʼmo, lapaipamoʼmo falu hino, huteno, Afoʼnimoʼmo alino nateʼnigeʼna emiʼneʼnova kava huʼna aliʼna lapatesugetapa ugae, huno hapa paiteno

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Efasasi 2:17

Ani kavaʼmo hutenoʼaeʼmo lapakaemo afagiʼaleʼmo maiʼnaya vayaʼe lagaemo Goti haopaleʼmo maiʼnona vayaʼmogitaʼeʼmo, kame nehaya kavaʼmo aliʼna hano huʼna ataleʼnovanagetapa Gotiʼeʼmo magokepi lokaeta maigae, huno aeno hakalo huno laha paiʼniye.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 1:6

Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

Leveleseni 14:6

Halate ageʼnovana mago enisole vekamoʼmo alagepa faigoko gemo hanege hanege huno hanesiya gemo alu kotega alu kotegamo maiʼnaya vayanagi muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi huno aeno hakalo huno hapa paisiyafeʼmo kokuʼnaʼmo folagateʼmo halelino uʼniye.