Maki 16:14 - The Keyagana NT and 25 OT books

¹⁴ Henagaʼamo leveniʼa vayaʼmogi neʼyaʼmo neʼnageno apaulagaleʼmo afole aiʼnigeʼa mukiʼamogi ageteʼapaeʼmo ageʼnaya vayaʼmogi hapa paiʼnaya geʼapieʼmo apakesamo oʼafiʼnayaʼmofeʼmo apaipamoʼmo lokiya vaiʼnigeʼa apakesamo afiʼa fatago osuʼnageno ge hapauʼniye.

Maki 16:14 ပူးပေါင်းရင်းမြစ်များ

Napa 14:11

Inagi Ala kava neʼmoʼa Mosesefeʼmo ha painoʼaeʼmo, Na magi afinaʼmo ani vayaʼmogi apakameʼyamo namigae. Nagaemo apakae folagapiʼmo asole noʼagaya agufa naune kavaʼmo huʼnovaʼmonanafa na magi afinaʼmo nagaefeʼmo apakesamo afiʼa fatago osugae.

Matiyu 11:20

Yesuʼa muki umenitata huʼniya taoniʼafi taoniʼafiʼmo asole noʼagaya agufa lokiya aune kavaʼmo huʼniyaʼmonanafa apaipamo aliʼa afe oleʼnayaʼmofeʼmo ani afinaʼmo aepa faino ge hapauʼniye.

Matiyu 17:20

Yesuʼa hapa painoʼaeʼmo, aiseʼamo lapakesamo afita fatago nehayaʼmofeʼmae. Lama ge lapa nepauve, huno, lapakesamo afita fatago huʼnaya kavatapimoʼa aise avina yaʼmo masateti avina yakana huno haneʼnisiyana lapakaemo mani aveeʼmo, manileʼmo ataleka mugagayaga uvo, hutapa hisageno ugiye. Osisaya agufa kavaʼmo afaʼa hugae.

Matiyu 28:17

Ageteʼapaeʼmo apagoʼya faiʼneʼa mono huʼnayaʼmonanafa mago vayaʼamogimo lole apakesamo afiʼnae.

Maki 7:18

Afi geʼnagenoʼaeʼmo, lapakaeʼeʼmo afita aeto osuʼnafiye. Muki malaga haneʼniya yaʼmo nesageno uno lamino apakupafiʼmo hanesiyana alino hosu huno oʼapategaiye, hutapa oʼafiʼnafiye.

Luki 24:11

afiteʼapaeʼmo aigofeʼmo nehae, huʼa apakesamo afiʼnae.

Luki 24:25

O negi vekalane, huno, lanakaemo muki geʼamo Gotitegati gemo alini eʼa aeʼa hakalo huʼa hapa paiʼnaya vayaʼmogi huʼnaya geeʼmo lanakesamo afitana fatago hisaʼafeʼmo ago lanake kaniʼnigetana vase vase hutana neʼafiʼae.

Yoni 20:25

Oʼmaiʼniyaʼmofeʼmo geʼamo neʼafiya vayaʼmogi Tomasifeʼmo huʼapaeʼmo, Ala kava neʼmo ago ageʼnone, huʼa ha paiʼnagenoʼaeʼmo, ayatalapiʼmo nili aiʼnaya kaʼmo oʼagege ati yagaina nayatetiʼmo ayatalapi nili aiʼnaya kapiʼmo oʼvaige haopafiʼmo hayo aeʼnaya kapiʼmo nayaʼmo oʼvaige hisuvana, he tiʼniye, huʼna nagesa oʼafiguve, huno hapa paiʼniye.

Yoni 20:26

Anaga hogote salefiʼmo halate geʼamo neʼafiya vayaʼmo nopiʼmo Tomasiʼeʼmo magokepi lokaeʼa maiʼnae. Kitaleʼmo loki ae maleʼnayaʼmonanafa Yesuʼa aliʼa anupa huʼa maiʼnaya folagapiʼmo he tino maiʼnenoʼaeʼmo, lapaipamoʼmo falu hino, huno hapa paiteno

Yoni 20:27

Tomasifeʼmo hunoʼaeʼmo, ati yagaina kayaʼmo nayatalapiʼmo vaika ago. Kayaʼmo alika ataleʼneka ati yagaina kayatetiʼmo hayoletiʼmo nahaopafiʼmo aeʼnaya kapiʼmo vaiyo. Vaiteka kagesamo afika fatago nosana kavakamo ataleka kagesa afika fatago huvo, huno ha paiʼnigeno

Yoni 21:1

Henagaʼamo geʼamo neʼafiya vayaʼmo mago ani kotuʼmo agiʼamo Taipiliyasi ani kotu agiʼnaleʼmo maiʼnageno Yesuʼa halate afole aiʼniye. Ina kavaʼmo huno apakaetegamo afole aiʼniye.

Yoni 21:14

Yesuʼa faliʼniyatetiʼmo halate he tinoʼaeʼmo napa tali afinaʼmo geʼamo neʼafiya vayaʼai apaulagaleʼmo afole aiʼnigeʼa ageʼnae.

Apa 1:3

Yesuʼa faliʼniyatetiʼmo he tinoʼaeʼmo apaulagaleʼmo fotiʼa afinapatiʼmo alu afina alu afinaʼmo afole aite afole aite huʼniye. Agaemo muki afinaʼmo muki kavaʼamo apaulagaleʼmo huʼnigeʼa ageteʼapaeʼmo, ago he tino afaʼa maiʼniye, huʼa magoke apakesamo afiʼnae. Afole aino maiʼnenoʼaeʼmo Gotiʼa yagaino neʼapateya kavafeʼmo alino apaya maleʼniye.

1 Kolitiyani 15:5

Goti mukufi gemoʼmo ani kavafeʼmo huʼniye. He tinoʼaeʼmo Pita aulagaleʼmo afole aiteno tuolofuʼa apa vayaʼai apaulagaleʼeʼmo afole aiʼniye.

Leveleseni 3:19

Muki nahau nayamopafiʼmo nahauʼniya vayaʼaifeʼmo, hosu kavaʼmo nehae, huʼna huteʼna aliʼna api aiʼna neʼapatovaʼmofeʼmo lapayamukiki hutapa lapaipamo alita afe leyo.