Maki 15:3 - The Keyagana NT and 25 OT books

³ Mono huʼa neʼapataya vayaʼaiteʼmo yagaiʼa apateʼnaya vayaʼmogi huʼapaeʼmo, ina hosu kava huʼniye ma hosu kava huʼniye, huʼa huteʼa huʼa faipa huʼa ateʼnae.

Maki 15:3 ပူးပေါင်းရင်းမြစ်များ

Samu 38:14

He, gemo nehaya gemo noʼafiya vekagana huʼna maiʼneʼnaeʼmo gemo nohapauve.

Aiyeya 53:7

Yesuʼmo muki anonaʼapilefeʼmo miya faisiyafeʼmo Gotiʼa kana yaʼmo amige vayaʼmogi aliʼa afepiʼmo atege huʼnayaʼmonanafa ge osuno afaʼa maiʼniye. Vayaʼmogimo aikeli sipisipimo amagisayafeʼmo avaleliʼa neʼvaya agufa kava huʼa avaleliʼa uʼnae. Vayaʼmogimo sipisipimo ayokaʼmo lagaunagenoʼaeʼmo age noʼaiya agufa kava huno ge osuno afaʼa maiʼniye.

Matiyu 27:12

Mono huʼa neʼapataya vayaʼaiteʼmo yagaiʼa neʼapataya vayaʼe vayatama vayaʼmogiʼeʼmo huʼapaeʼmo, ani hosu kavaʼmo huʼniye ina hosu kavaʼmo huʼniye, huʼa huʼnagenoʼaeʼmo ge osuno afaʼa maiʼniye.

Maki 15:2

Pailatiʼa hunoʼaeʼmo, Yu vayaʼaiteʼmo yagaika apateʼnana kini vekamo maiʼnapiye, huno afi geʼnigenoʼaeʼmo, he, ani alagi gemo nehane, huno huʼniye.

Maki 15:4

Halate Pailatiʼa hunoʼaeʼmo, ani geleʼmo aeka atagaina huka mago gemo afaʼa osugapiye. Muki kavaʼaeʼmo kagaefeʼmo nehaya gemo afiyo, huno huʼnigeno

Maki 15:5

Yesuʼa halate magoʼe huno ge osuno maiʼnigenoʼaeʼmo Pailatiʼa hau aiʼniye.

Yoni 19:12

Pailatiʼa ani gemo afitenoʼaeʼmo Yesuʼmo afaʼa atesigeno visiya kafeʼmo kahauya huʼniyaʼmonanafa Yu vayaʼmogimo huʼapaeʼmo, atesanageno visiyana Sisaʼa hogote vekamo ala vekaʼapimo yagaino neʼapateya vekamo ao vekamo oʼmaiʼnane. Ala vekaʼapimo yagaiʼna neʼapatova kini vekamo maiʼnove, huʼa nehaya vayaʼmo Sisa kameʼamo maiʼnae, huʼa alopa gefatiʼmo huʼnae.