Maki 15:26 - The Keyagana NT and 25 OT books

²⁶ Pailatiʼa mago avoʼmo ina kava huʼnigetaeʼmo amagiʼnone, huʼa avoʼmo nekaya agufa avoʼmo kaeʼniye. Ani gemo avoʼmo kaenoʼaeʼmo, Yu vayaʼaiteʼmo ala vekaʼapimo yagaino neʼapateya kini vekae, huno avoʼmo kaeteno agenopaleʼmo maleʼniye.

Maki 15:26 ပူးပေါင်းရင်းမြစ်များ

Samu 2:6

Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Samu 76:10

Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Mai'naya kavane 21:1

Ala kava neʼmoʼa muki kini vayaʼmogi apaipa apakesamo ayapiʼmo aliʼneno aniʼmoʼa uteno eteno hulino uno nelamiya kava huno hauʼniya kateʼmo alino ho huno neʼapate.

Matiyu 2:2

Yu vayaʼaiteʼmo yagaino apatesiya kini vekamo saufamo alino ateʼniya mafaʼnemo haiyaʼaleʼmo maiʼniye. Lagaemo agae kanefiʼmo yegemo haine neʼeya kotegatiʼmo ageteta agaefeʼmo mono hisunafeʼmo agaetegamo neʼone, huʼa huʼnae.

Matiyu 27:37

Apakaemo mago avoʼmo kae maleʼniya gemo aliʼa agenopale yosaleʼmo nili ai maleʼnae. Ani gemo ina hosu kavaʼmo huʼniye, huʼa huteʼa agoti huʼa ateʼnaya gemoʼa hunoʼaeʼmo, Mani vekamo Yesuʼae. Yu vayaʼaiteʼmo ala kini vekaʼapimoʼae, huno avoʼmo kaeteno nili ai maleʼniye.

Maki 15:2

Pailatiʼa hunoʼaeʼmo, Yu vayaʼaiteʼmo yagaika apateʼnana kini vekamo maiʼnapiye, huno afi geʼnigenoʼaeʼmo, he, ani alagi gemo nehane, huno huʼniye.

Maki 15:27

Lole vekalaʼmoganimo vayaʼmo apamagiteʼana kumayaʼmo neʼaliʼa vekalaʼmo agaeʼeʼmo malipu yosaleʼmo nili aiteʼa mago vekamo lamaga haopaleʼmo aliʼa he tiʼa ateteʼa mago vekamo hoga haopaleʼmo aliʼa he tiʼa ateʼnae.

Maki 15:32

Kalaisi vekamo Isaleli vayaʼaiteʼmo yagaino neʼapateya kini vekamogeno aino akaino eminesigeta agetetaeʼmo lama gemo nehiye, huta hugune, huʼa huteʼa huʼa faipa huʼa ateʼnae. Ani agufa gemo huʼana lole vekalaʼmo agaeʼeʼmo magokepi nili aiteʼa aliʼa he tiʼa anateʼnaya vekalaʼmoganiʼeʼmo huʼana faipa huʼana ateʼnaʼae.