Maki 15:2 - The Keyagana NT and 25 OT books

² Pailatiʼa hunoʼaeʼmo, Yu vayaʼaiteʼmo yagaika apateʼnana kini vekamo maiʼnapiye, huno afi geʼnigenoʼaeʼmo, he, ani alagi gemo nehane, huno huʼniye.

Maki 15:2 ပူးပေါင်းရင်းမြစ်များ

Matiyu 2:2

Yu vayaʼaiteʼmo yagaino apatesiya kini vekamo saufamo alino ateʼniya mafaʼnemo haiyaʼaleʼmo maiʼniye. Lagaemo agae kanefiʼmo yegemo haine neʼeya kotegatiʼmo ageteta agaefeʼmo mono hisunafeʼmo agaetegamo neʼone, huʼa huʼnae.

Maki 15:12

Pailatiʼa halate asole vayaʼaifeʼmo hunoʼaeʼmo, Malamasina hatu maeʼna atesuvana Yu vayaʼaiteʼmo yagaino neʼapateya kini vekae hutapa agi neʼaya vekalegamo na kavaʼmo hisuve, huno apafi geʼniye.

Maki 15:18

Maleʼa ateteʼa he tiʼa aepa faiʼa huʼapaeʼmo, Yu vayaʼaiteʼmo alaʼapimo yagaika neʼapatana kini vekaʼapimogae, huʼa, Alagepa huka maiyo, huʼa aigofe gemo huteʼa huʼa amuse huʼa ateʼnae.

Maki 15:26

Pailatiʼa mago avoʼmo ina kava huʼnigetaeʼmo amagiʼnone, huʼa avoʼmo nekaya agufa avoʼmo kaeʼniye. Ani gemo avoʼmo kaenoʼaeʼmo, Yu vayaʼaiteʼmo ala vekaʼapimo yagaino neʼapateya kini vekae, huno avoʼmo kaeteno agenopaleʼmo maleʼniye.

Maki 15:3

Mono huʼa neʼapataya vayaʼaiteʼmo yagaiʼa apateʼnaya vayaʼmogi huʼapaeʼmo, ina hosu kava huʼniye ma hosu kava huʼniye, huʼa huteʼa huʼa faipa huʼa ateʼnae.

Maki 15:9

Lapakaeteʼmo yagaino lapateʼniya kini vekatapimo hatu maeta atesayafeʼmo nehafiye, huno apafi geʼniye. Agaefeʼmo mono huʼa neʼapataya vayaʼaiteʼmo yagaiʼa apateʼnaya vayaʼmogi apaipa kafamo haeʼnayaʼmofeʼmo avalaliʼeʼa nayapiʼmo ateʼnae, huno agesa afiʼniye. Afiʼniyaʼmofeʼmo Yesufeʼmo ge huno apafi geʼniyaʼmonanafa

1 Timoti 6:13

Nagaemo afaʼa neʼmaiya yaʼmo neʼapamiya Goti aulagaleʼe Kalaisi Yesuʼa Ponitiyasi Pailati aulagaleʼmo alagepa gemo huteno faliʼniya vekamo aulagaleʼeʼmo maiʼneʼnaeʼmo kaha nepauve.