Maki 14:61 - The Keyagana NT and 25 OT books

⁶¹ geʼaleʼmo aeno atagaina huno osuno afaʼa maiʼniye. Halate mono huʼa neʼapataya vayaʼaiteʼmo yagaino neʼapateya vekamoʼmo hunoʼaeʼmo, Kalaisigamo aliʼa auleʼa neʼataya vekamo mafaʼneʼamo maiʼnapiye, huno afi geʼnigenoʼaeʼmo

Maki 14:61 ပူးပေါင်းရင်းမြစ်များ

Samu 119:12

O Ala kava nene, huʼna, alagi aulena Gotigamomaiʼnane. Avoʼmo kae maleʼnaya keʼaepa gekamo alika naya malo.

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Aiyeya 53:7

Yesuʼmo muki anonaʼapilefeʼmo miya faisiyafeʼmo Gotiʼa kana yaʼmo amige vayaʼmogi aliʼa afepiʼmo atege huʼnayaʼmonanafa ge osuno afaʼa maiʼniye. Vayaʼmogimo aikeli sipisipimo amagisayafeʼmo avaleliʼa neʼvaya agufa kava huʼa avaleliʼa uʼnae. Vayaʼmogimo sipisipimo ayokaʼmo lagaunagenoʼaeʼmo age noʼaiya agufa kava huno ge osuno afaʼa maiʼniye.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Matiyu 8:29

Anakaemo eʼana Yesuʼeʼmo fotu huteʼanaeʼmo, Goti mafaʼneʼamogae, huʼa, lagaetegamo na agufa kava huka latesanafeʼmo neʼane. Kayoʼmo lamisana afinaʼmo afole oʼaiʼniyanagi lagafu yaʼmo alika lamisanafeʼmo neʼapiye, huʼa afi geʼnae.

Maki 14:60

Hutagenoʼaeʼmo mono huʼa neʼapataya vayaʼaiteʼmo hogote vekamo yagaino neʼapateya vekamoʼmo ani vayaʼai apaulagaleʼmo he tino Yesufeʼmo hunoʼaeʼmo, magoke gemo aeka atagaina huka osugapiye. Haiya agufa faigoko gemo kagaetegamo nehae, huno afi geʼnigenoʼaeʼmo

Maki 15:2

Pailatiʼa hunoʼaeʼmo, Yu vayaʼaiteʼmo yagaika apateʼnana kini vekamo maiʼnapiye, huno afi geʼnigenoʼaeʼmo, he, ani alagi gemo nehane, huno huʼniye.

Yoni 1:34

ani kavaʼmo huʼna ageʼnovaʼmofeʼmo ani vekamo Goti mafaʼneʼamae, huʼna aeʼna hakalo nehuve, huno hapa paiʼniye.

Yoni 10:24

Uneno nehigeʼapaeʼmo Yu vayaʼmogi faiʼa ku aiʼa ateʼneʼapaeʼmo, lole lagesa neʼafunagi na magi afinaʼmo laha opaika afaʼa maigane. Kalaisi vekamo maiʼnisanana huka haleka laha paiyo, huʼa ha paiʼnagenoʼaeʼmo,

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 18:37

Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno

Yoni 19:7

Yu vayaʼmogi huʼapaeʼmo, agaemo Goti mafaʼneʼamo maiʼnove, huno huʼniyaʼmofeʼmo keʼaepa getimoʼmo hunoʼaeʼmo, ago faligiye, huno huʼniye, huʼa ha paiʼnae.

Yoni 19:9

Halate Pailatiʼa agoti nopiʼmo uno haino Yesufeʼmo hunoʼaeʼmo, haiyategatiʼmo eʼnane, huno afi geʼnigenoʼaeʼmo Yesuʼa ge osuno afaʼa maiʼniye.

Apa 8:32

Goti Mukufiʼmo lekana paiʼniya gemoʼa hunoʼaeʼmo, Sipisipigana huno maiʼnigeʼa avaleli eʼa amagiʼnae. Vayaʼmogimo aikeli sipisipimo ayokaʼmo lagauʼnagenoʼaeʼmo age noʼaiya sipisipigana huno maiʼnenoʼaeʼmo ge osuno afaʼa maiʼniye.

1 Timoti 1:11

Mani gemo alagepa faigoko gemo haneʼniyana aliʼa auleʼa neʼataya Goti geʼamo ha le konali faigoko geʼamo haneʼniye. Gotiʼa mani geleʼmo yagaiʼna atesuvafeʼmo namiʼnigeʼna alinineʼna aeʼna hakalo huʼna hapa nepauve.

1 Timoti 6:15

Gotiʼa lekana pai maleʼniya afinaʼmo afole aisigenoʼaeʼmo Yesuʼmo afole aigiye. Aliʼa auleʼa neʼataya Gotiʼa Yesuʼmo alino apave ligiye. Gotiʼa magoke himamuʼaʼe vekamo maige yagaiʼa neʼapataya kini vayaʼaiteʼmo yagaino apatege kava vayaʼai kava vekaʼapimo maige huʼniye.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.