Maki 14:54 - The Keyagana NT and 25 OT books

⁵⁴ Pitaʼa apamasa hulinuno mono huʼa neʼapataya vayaʼaiteʼmo hogote vekamo yagaino neʼapateya vekamo no kumateʼmo uno haino kava neʼyagaiya ati vayaʼeʼmo ataleʼmo loto huʼa maiʼnae.

Maki 14:54 ပူးပေါင်းရင်းမြစ်များ

1 Kini 19:13

Ilaiyaʼmo ani gemo afitenoʼaeʼmo augosafiʼe yatala kukena yaʼaleʼeʼmo aino ati kaeteno kelifatiʼmo ataleno uno keli avayamo haopaleʼmo he tino maiʼniye. Maiʼnigenoʼaeʼmo malage huno gemo hunoʼaeʼmo, Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo

1 Kini 19:9

Ilaiyaʼmo mago yafa kapiʼmo haniʼilagamo uno haino havaeʼniye. Inagi Ala kava neʼmoʼa Ilaiyategamo emineno ina ge huno ge huno afi geʼniye. Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo,

Matiyu 26:3

Inagi mono huʼa neʼapataya vayaʼaiteʼmo yagaiʼa neʼapataya vayaʼe Yu vayatama vayaʼmogiʼeʼmo hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasi alopa noʼafiʼmo aliʼa anupa huʼa maiʼnae.

Matiyu 26:58

Pitaʼa apamasa hulinuno mono huʼa neʼapataya vayaʼaiteʼmo yagaino neʼapateya vekamo kumateʼmo uno haino na agufa kavaʼmo afole aisifi huno agesiyafeʼmo mono no kumateʼmo kava neʼyagaiya vayaʼeʼmo fai maiʼniye.

Maki 14:38

Apakaefeʼmo hunoʼaeʼmo, lapamalageka hisiya kavapiʼmo uta haita ofalesayafeʼmo yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa amega lapakufamoʼa hisayafeʼmo lokiya noʼvaiye, huno hapa paiʼniye.

Maki 14:66

Pitaʼa kumateʼmo afelaga maiʼnigenoʼaeʼmo mono huʼa neʼapataya vayaʼaiteʼmo hogote vekamo yagaino neʼapateya vekamo aliʼyaʼamo neʼaliya aʼmafaʼnemo eʼniye.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Luki 22:54

Apakaemo kalavusi huʼa ateteʼa avaleli uʼa mono huʼa neʼapataya vayaʼaiteʼmo yagaino neʼapateya vekamo nopiʼmo uʼa haiʼnageno Pitaʼa apasa hulino uʼniye.

Yoni 18:18

Yasimo hapauʼnigeʼapaeʼmo aliʼyaʼmo neʼaliya vayaʼe alopa mono noteʼmo neʼyagaiya ati vayaʼeʼmo hokanufa atamo kaeteʼa he tiʼa loto huʼa maiʼnae. Pitaʼeʼmo uno magokepi he tiʼa ataleʼmo loto huʼa maiʼnae.

Yoni 18:25

Yesufeʼmo ge huno afi geʼnigenoʼaeʼmo Pitaʼa ataleʼmo he tino loto huno maiʼniye. Apakaemo huʼapaeʼmo, kagaeʼeʼmo geʼamo neʼafiya vayapati vekamo maiʼnapiye, huʼa afi geʼnagenoʼaeʼmo, haʼao, nagaemo ani vayapati vekamo oʼmaiʼnove, huno hapa paiʼniye.

1 Samiyo 13:7

Mago Isaleli vayaʼmo apaune heʼa Yoneni aniʼmo lakaeʼa Gati nofi vayaʼai mopaleʼmo uteʼa Giliyati taonifiʼmo uʼnae. Soloʼmo oʼuno Giligo taonifikeʼmo maiʼnigeʼa magokepiʼmo lokaeʼa maiʼnaya vayaʼmogi koli huteʼa atete huʼnae.