Maki 14:41 - The Keyagana NT and 25 OT books

⁴¹ Loleʼe magoʼe afinaʼmo halate atagineno eno hunoʼaeʼmo, maita falu hutapageʼmo lapau kaletapa maiʼnafiye. Haiʼmae. Ani afinaʼmo ago afole aiyanagi ageyo, huno, apakaemo Vemo Ma faʼnemo avaleliʼuʼa hosu vayaʼai apayapiʼmo atesayafeʼmo neʼae.

Maki 14:41 ပူးပေါင်းရင်းမြစ်များ

1 Kini 18:27

Felugakukuʼmo Ilaiyaʼmo kigi yokalo gemo huno hapa painoʼaeʼmo, Agaemo gotiʼa maiʼniyaʼmonanafa hemenimo mago alu yafeʼmo agesamo neʼafisifi aliyaʼamo neʼalisifi mago kotegamo uʼnisifi huʼnegaiye. Havaeno maiʼnisifigi lapakaemo hauneyo. Alopa gefatiʼmo keya aeta ge hiyo, huno hapa paiʼniye.

2 Kini 3:13

Inagi Ilaisaʼmo Isaleli kini vekaeʼmo hunoʼaeʼmo, Kagaeʼeʼmo na agufa kavaʼmo huguʼae. Kagaemo afokamoʼmo gemo aliniʼeʼa aeʼa hakalo nehaya vayaʼalegaʼe itakamoʼmo gemo aliʼniʼeʼa aeʼa hakalo nehaya vayaʼalegaʼeʼmo uvo, huno ha paiʼnigenoʼaeʼmo Isaleli kini vekamoʼmo hunoʼaeʼmo, Haʼao, Ala kava neʼmoʼa lagaemo loleʼe magoʼe kini vayaʼmo lavaleno alino anupa huno lateʼniyanageno lavaleno Movapu vayaʼai apayapiʼmo apamigiye, huno ha paiʼniye.

Matiyu 26:2

ago afiʼnayana lole afinaʼmo utesigeno Pasova hopa afinaʼmo afole aigiye. Afole aitesigeʼapaeʼmo Vemo mafaʼnemo malipu yosaleʼmo nili aiteʼa aliʼa he tiʼa atesayafeʼmo avaleli uʼa apamigae, huno hapa paiʼniye.

Maki 14:10

Hapa paitegenoʼaeʼmo Yutasiʼa geʼamo neʼafiya vekamo tuolofuʼa vayapati vekamo apataleno mono huʼa neʼapataya vayaʼaiteʼmo yagaiʼa apateʼnaya vayaʼaitegamo Yesuʼmo avaleno apamisiyafeʼmo uʼniye.

Maki 14:18

Hiʼyalamuteʼmo maiʼneʼa neʼyaʼmo neʼneʼapaeʼmo Yesuʼa hunoʼaeʼmo, lama gemo lapa nepauve, huno, lapakaepatiʼmo mago vekamo nagaeʼeʼmo magokepi maiʼneno neʼyaʼmo neʼneya vekamoʼmo kame vayaʼmo navaleno apamigiye, huno hapa paiʼniye.

Maki 14:35

Apatalenuno aise afagiʼaleʼmo mopafiʼmo asagauno aino agoʼya faiʼnenoʼaeʼmo hosu afinaʼmo faino kasalo paesiyafeʼmo nunumuʼmo huʼniye.

Maki 14:40

Huteno atagi neneno apakeyana apau mai mai huʼnigeʼapa apau kaleʼa maiʼnageno apakeʼnigeʼapaeʼmo, haiya agufa gemo husupi, huʼa apakesamo oʼafiʼnae.

Maki 14:42

He tita vigetao. Ageyo, huno, nagae kutulu yaʼmo neʼniya vekamo ago neʼe, huno hapa paiʼniye.

Maki 7:9

Goti keʼaepa gemo ataleta lapakinago vayaʼai keʼaepa gemo akame hisayafeʼmo alagepa hutapa afiʼnae, huno huʼniye.

Yoni 12:23

Yesuʼa geʼapileʼmo aeno atagaina huno hapa painoʼaeʼmo, hemenimo Vemo Mafaʼnemoʼa ala agiʼamo alisiya afinaʼmo afole aiʼniye.

Yoni 12:27

Naipamoʼmo atete nehisigeʼnaeʼmo na agufa gemo huguve. Afo, huʼna, nagaetegamo hosu kavaʼmo afole aisiya kavaʼmo alika atalo, huʼna hugufiye. Haʼao. Ani hosu kavaʼmo alisuvafekeʼmo emiʼneʼnove.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

Yoni 7:30

atafauʼa kalavusi huʼa atesayafeʼmo huʼnayaʼmonanafa agae afinaʼmo afole oʼaiʼniyaʼmofeʼmo mago vekamoʼa atafausiya kaʼmo ohaneʼniye.

Yoni 8:20

Yesuʼa alopa mono nopiʼmo ofalini monimo neʼmalaya kesimo haneʼniya nopiʼmo uno haino alino apaya maletenoʼaeʼmo ani gemo hapa paiʼniye. Afinaʼamo afole oʼaiʼniyaʼmofeʼmo atafauʼa kalavusi huʼa oʼateʼnae.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.