Maki 14:26 - The Keyagana NT and 25 OT books

²⁶ Apakaemo mono yokemo huteʼa kumatega uʼa lamiteʼa Alifiʼaepa avefiʼmo uʼa haiʼnae.

Maki 14:26 ပူးပေါင်းရင်းမြစ်များ

Matiyu 21:1

Apakaemo Yulusalemu taoni haopaleʼmo eʼa avaʼyi huteʼapaeʼmo Metapesi taonimo Alifi aveleʼmo haneʼniya taonifiʼmo ago eʼa avaʼyi huteʼa Yesuʼa lole vekalaʼmo geʼamo neʼafiʼa vekalaʼmo alino anatetenoʼaeʼmo,

Matiyu 26:30

Apakaemo mono yokemo huʼa hano huteʼa kumategamo uʼa lamiʼa Alifiʼaepa avefiʼmo uʼa haiʼnae.

Maki 14:25

Lama gemo lapa nepauve, huno, halate nofi alagafati aniʼmo oʼneʼna maime maime neʼvisugenoʼaeʼmo Gotiʼa yagaino apateʼniya kotetiʼmo saufa aniʼmo lapakaeʼeʼmo magokepi negaune, huno hapa paiʼniye.

Luki 22:39

Taonifatiʼmo ataleno uno Alifiʼaepa avefiʼmo nunumuʼmo nehiya yategamo neʼvigeʼapaeʼmo geʼamo neʼafiya vayaʼmo akame huʼa uʼnae.

Yoni 18:1

Nunumuʼmo ago hutegeʼapaeʼmo Yesuʼe geʼamo neʼafiya vayaʼeʼmo nopatiʼmo ataleʼa lamiʼa mago ani kalokalopamo agiʼamo Kitaloni kalokalopamo lakaeʼa yosa hoyafiʼmo uʼa maiʼnae.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

1 Kolitiyani 14:15

Oʼaegaiyaʼmofeʼmo na agufa kavaʼmo huguve. Nauneʼnamepatiʼe nagesafatiʼeʼmo nunumuʼmo huguve. Nauneʼnamepatiʼe naipa nagesafatiʼeʼmo yokemo huguve.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Yemisi 5:13

Lapakaepatiʼmo mago vekamoʼmo kana yaʼmo neʼalisiyana nunumuʼmo hino. Lapakaepatiʼmo mago vekamoʼmo amogaga neʼaisiyana Samu mono yokemo hino.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.