Maki 14:2 - The Keyagana NT and 25 OT books

² Maiʼneʼapaeʼmo, fiku yanageʼa neʼatafausunageʼapaeʼmo hopa afinaʼmogeʼa lagaemo lamagigayanagi oʼatafaigetao, huʼa huʼnae.

Maki 14:2 ပူးပေါင်းရင်းမြစ်များ

Mai'naya kavane 19:21

Vayaʼmogimo asole kavafeʼmo ani kavaʼmo hugune, huʼa apaipafiʼmo apakesamo neʼafiyaʼmonanafa Ala kava neʼmoʼa ani kavaʼmo afole aigiye, huno ago ageʼniya kavaʼageʼmo afole aigiye.

Mai'naya kavane 21:30

Vayaʼmogimo afiteʼa ageʼnaya kavaʼapiletiʼmofi afiʼa aeto nehaya kavaʼapiletiʼmofi vege nehaya kavaʼapiletiʼmofi huʼa Ala kava neʼeʼmo kamemo hugayana huʼa aeʼa aga osegae.

Matiyu 26:2

ago afiʼnayana lole afinaʼmo utesigeno Pasova hopa afinaʼmo afole aigiye. Afole aitesigeʼapaeʼmo Vemo mafaʼnemo malipu yosaleʼmo nili aiteʼa aliʼa he tiʼa atesayafeʼmo avaleli uʼa apamigae, huno hapa paiʼniye.

Matiyu 26:5

Apakaemo, fiku yanageʼa apano aegae, huʼa apakesamo afiteʼa, hopa afinaʼmo oʼatafaugune, huʼa huʼnae.

Maki 11:18

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo ava gemo afiteʼapaeʼmo amagisaya kafeʼmo kahauya huʼa maiʼnae. Muki vayaʼmogi geʼamo afiteʼa hapau aiʼnayaʼmofeʼmo agaefeʼmo koli huʼnae.

Maki 11:32

Hugiyaʼmofeʼmo lagaemo hutaeʼmo, vayaʼmogi lekana paiʼa ateʼnae, huta hisunana ani gemoʼa kanale osugiye. Apakaemo muki vayaʼaifeʼmo koli huʼnayaʼmofeʼmo ani gemo osuʼnae. Muki vayaʼmogimo Yonifeʼmo alagepa vekamo Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnae.

Maki 14:1

Lole afinaʼmo utesigenoʼaeʼmo Yu vayaʼai Pasova hopa afinaʼmo aeno apafu noleya peleti mayamo neʼnaya afinaʼmo afole aisiyafe huʼniye. Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo kesi katetiʼmo uʼa Yesuʼa atafauʼa kamitimo amagisaya kafeʼmo kahauya huʼa maiʼnae.

Maki 14:3

Yesuʼa Metani taonifiʼmo Saimoniʼa lepolosi yaʼmo hauno hageʼniya vekamo nopiʼmo maiʼniye. Neʼyaʼmo neʼnegenoʼaeʼmo mago akanomoʼmo alagepa atumo neʼaiya uvelimo alopa monileʼyaʼmo aeno agaseʼniya uvelimo yafa kepi uvelimo alinineno ani uveli keʼmo aino atagi maleʼneno agenopafiʼmo lakino ateʼniye.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Luki 22:1

Lusi neʼyaʼmo yagita nehaya hopa afinaʼmo aeno apafu noleya peleti mayamo neʼnaya afinaʼmo agiʼamo Pasova afinaʼmo afole aisiyafeʼmo huʼniye.

Yoni 12:19

Falasi vayaʼmogi apakaiʼapimo huʼapaeʼmo, Lapakaemo ani vekamo aetapa oʼagaseʼnae. Ageyo, huʼa, muki ma mopafi vayaʼmogi akame nehae, huʼa huʼnae.

Yoni 7:40

Asole vayaʼmogi ani gemo afiteʼapaeʼmo, lama ge nehune, huʼa, Gotitegati gemo alinineno aeno hakalo huno hapa nepaiya vekamo egaiye, huʼa huʼnaya vekamo ani vekamo maiʼniye, huʼa huʼnae.