Maki 13:7 - The Keyagana NT and 25 OT books

⁷ Lapaopaleʼmo kamemo hisaya kavafeʼmo ava ge hisagetapa afige afagitega kamemo hisaya kavafeʼmo ava gemo hisagetapa afige hutetapaeʼmo lapau aitetapa koli osiyo. Ani kavaʼmo afole aigiyaʼmonanafa hano hisiya afinaʼmo henagaʼageʼmo afole aigiye.

Maki 13:7 ပူးပေါင်းရင်းမြစ်များ

Samu 112:7

Aipamoʼmo atete nosigeno Ala kava nefeʼmo alino amufa neʼamiye. Hosu kavafeʼmo ava gemo afisiyafeʼmo koli osugiye.

Samu 27:3

Asole vayaʼmogimo kame huʼa natesayafeʼmo eʼa maiʼnisageʼnaeʼmo naipamoʼmo atete osugiye. Kame huʼa natesayana naipamoʼmo lokiya vaigiye.

Mai'naya kavane 3:25

Ala kava neʼmoʼa naha maegaiye, huka kagesamo afiganaʼmofeʼmo malage huno koli kavaʼmo afole aisigeka koli osuvo. Ala kava neʼmoʼa kaha maesigeʼa vayaʼmogi aneʼaimo hanagi maleʼnisageno kaiyaleʼmo oʼatafaugayaʼmofeʼmo hosu vayaʼmogimo hanageke yaʼmo kamisaya afinaʼmo koli osuvoe.

Matiyu 18:7

Vaehae, huʼna, apayate aligayaʼmonanafa apayate alisaya vayaʼmo lusi hanageke yaʼmo aliteʼa kage kage huʼa yulagefa aigae.

Matiyu 2:3

Helotiʼa yagaino neʼapateya kini vekamoʼmo ani gemo afitenoʼaeʼmo hausoli huʼnigeʼapaeʼmo muki Yulusalemu taonifiʼmo maiʼnaya vayaʼmogiʼeʼmo ani kava huʼa hapausoli huʼnae.

Maki 13:6

Asole vayaʼmogimo nagiʼnimo aeteʼapaeʼmo, nagaemo Kalaisinaʼmo neʼove, huʼa huteʼa asole vayaʼaina humi apategae.

Maki 13:8

Mago nofi vayaʼmogi uʼa alu nofi vayaʼeʼmo kamemo hugae. Mago gamani vayaʼmogi uʼa alu gamani vayaʼeʼmo kamemo hugae. Imimamo aote aote huno alige kafu hu kavaʼmo afole aige hanageke kavaʼmo afole aige hugiyaʼmonanafa apakafu nekiya kavaʼmo saufamogeno afole aigiye.

Yoni 14:1

Yesuʼa hunoʼaeʼmo, Lahapausoli osuge lapaipamoʼmo atete osuge hino. Gotifeʼmo lapakesamo afita fatago huge nagaefeʼmo lapakesa afita fatago huge nehayaʼmofeʼmo oʼataletapa magoʼe hutapa lapakesa afita fatago hiyo.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Apa 17:3

Ani gemo aepaʼamo aeno hakalo huno hapa painoʼaeʼmo, Goti geʼamo alino afole aino atesiyafeʼmo Mesaiya vekamo Gotiʼa alino ateʼnigeno emineʼniya vekamo faliteno ago he tiʼniye, huno Goti Mukufi haneʼniya geletiʼmo alino apaya maleʼniye. Poloʼa hunoʼaeʼmo, Ani ava gemo aeʼna hakalo huʼna hapa nepauva vekamo Yesuʼa Mesaiya vekamo maiʼniye, huno hapa paiʼniye.