Maki 13:20 - The Keyagana NT and 25 OT books

²⁰ Ala kava neʼmoʼa ani agufa hanageke afinaʼmo alino hogo huno oʼateʼniesinana muki vayaʼamo ago faliʼnaesinaʼmonanafa lekana paino apateʼniya vayaʼaitefeʼmo ani hanageke afinaʼmo aliʼna hogo huʼna ategauve, huno agesamo afiʼniye.

Maki 13:20 ပူးပေါင်းရင်းမြစ်များ

Aiyeya 1:9

Aiyeyaʼa hunoʼaeʼmo, Ala kava neʼmoʼa asole vayaʼaiteʼmo yagaino apateʼniya Gotiʼa aise aise huno logufaʼa vayaʼmo olateʼniyesinana Satomi taonifi maiʼnaya vayakana huta maige Gomola taonifi maiʼnaya vayakana huta maige huʼnonesine, huno huʼniye.

Aiyeya 6:13

Ataleʼa ugayaʼmonanafa ani mopaleʼmo aise nofi vayaʼmo maigae. Apakaemo aiʼa atagineʼa eʼa maigayaʼmonanafa kayoʼmo apamiguve. Apamiguvaʼmonanafa ani koteʼmo henagaʼamo nagaemo yosamo heʼya aiʼnaya atufafatiʼmo saufa ausisimo neʼaeya agufa kavaʼmo huʼna nagae apaote vayapatiʼmo saufa nofi vayaʼmo aliʼna afole aiʼna apategauve.

Matiyu 24:22

Ani agufa hanageke yaʼmo afole aisiya afinaʼmo alino hogo huno oʼateʼniyesinana muki vayaʼmo ago faliʼnaesinaʼmonanafa lekana paino apateʼniya vayaʼaitefeʼmo hanageke afinaʼmo alino hogo huno ategaiye.

Maki 13:19

Ani afinaʼmo afole aisiya hanageke yaʼmoʼa hogoteno afole aiʼniya hanageke yaʼmo Gotiʼa ma mopamo alo huʼniya afinatetiʼmo afole aime aime eʼniya hanageke yanagi muki afole aisiya hanageke yanagi huno ago aeno aga seno afole aigiye.

Maki 13:21

Mago vayaʼmogimo huʼapaeʼmo, Ageyo, huʼa, Kalaisiʼa manile maiʼniye, huʼa huge, ageyo, huʼa, mugalega maiʼniye, huʼa huge hisagetapaeʼmo, lama gemo nehae, hutapa lapakesamo oʼafiyo.