Maki 12:6 - The Keyagana NT and 25 OT books6 Magoke mafaʼneʼamo hau ayamopafiʼmo hauʼniya mafaʼneʼageʼmo maiʼnigeno henagaʼamo hunoʼaeʼmo, ani mafaʼneʼnimo geʼamo afaʼa afigae, huno huteno alino ateʼnigeno uʼniye. အခန်းကိုကြည့်ပါ။ |
Ala kava neʼmoʼa ina gemo hunoʼaeʼmo, Ageyo, huno, Ha neʼmaogeno aliʼyaʼnimo neʼaliya vekamae. Nagupi mafaʼnemo lekana paiʼna ateʼnova vekaeʼmo namogaga neʼauve. Nagaemo agaeteʼmo nauneʼnameʼmo ago maleʼnovanageno muki malaga vayaʼmo alu nofi vaya alu nofi vayaʼaifeʼmo fatago kavafeʼmo ava gemo aeno hakalo huno hapa paigiye.
Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.
Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.
Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.