Maki 12:33 - The Keyagana NT and 25 OT books

³³ Agaefeʼmo muki laipafatinagi muki lapagupi mafaʼnefatinagi muki laune lamepatinagi muki laya mufafatinagi huno lahauʼnisigeta lagaitieʼmo lahau layamopafiʼmo nelahaiya kava huta lahaopaleʼmo maiʼnaya vayaʼaifeʼmo lahaisiya kavaʼmoʼa afumo amagita atafiʼmo kaeta Gotina ofalinimo amige alu ofalinimo amige hisuna kavaʼmo ago aeno aga seʼniye, huno huʼniye.

Maki 12:33 ပူးပေါင်းရင်းမြစ်များ

Samu 50:23

Nagaefeʼmo, alagepa kavaʼmo huʼniye, huʼa nehaya vayaʼmogimo ala nagiʼnimo neʼnamiye. Nehaya kavaʼapilefeʼmo apakesa afifi huʼa maiʼnisaya vayaʼmo Gotiʼa apakufamo alino katino neʼapateya kavaʼamo aliʼna apave liguve.

Mai'naya kavane 21:3

Ala kava neʼmoʼa fatago kavaʼe alagepa huʼa aliʼa fako nehaya kavaʼeʼmo hauʼnigeno ofalinimo neʼamiya kavafeʼmo hauʼniya kavaʼmo ago aeno aga seno magoʼe huno hauʼniye.

Matiyu 12:7

Gotiʼa hunoʼaeʼmo, Afumo heʼa ofalinimo namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo lapakaemo afiʼnaesinana hosu kavaʼmo osuʼnaya vayaʼaifeʼmo hosu kavaʼmo huʼnae, hutapa osuʼnaesine.

Matiyu 9:13

Goti mukufi gemoʼmo hunoʼaeʼmo, Afumo heʼa ofalini namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo afisayafeʼmo uta kahauya hutapa ageyo. Nagaemo fatago vayaʼaifeʼmo keya aeʼna ge hisuvafeʼmo emiʼnoʼmeʼnofa hosu vayaʼaifeʼmo keya aeʼna ge hisugeʼa eʼa apaipamo aliʼa afe lesayafekeʼmo emineʼnove, huno hapa paiʼniye.

Himulu 10:8

Hogoteno hunoʼaeʼmo, Afumo amagiʼa nekamiya kavanagi ofalinimo nekamiya kavanagi afumo heʼa hiʼyalamuteʼmo maleʼneʼa ata nekaya kavanagi hosu kavaʼapilefeʼmo nekamiya kavanagi huno okahauʼniyaʼmofeʼmo amuse huka oʼapateʼnane, huno ha paiʼniye. Ani kavaʼmo nehuʼapaeʼmo keʼaepa gemo akame nehayaʼmonanafa amuse osuʼniye.

1 Samiyo 15:22

Samiyoʼa Solofeʼmo ha painoʼaeʼmo, Ala kava neʼmo geʼamo akame hisana kavafeʼmo magoʼe huno hauʼnigeno amogaga aiʼnifi sipisipi heka ofalinimo amisana kavafeʼmo magoʼe huno hauʼnigeno amogaga aiʼniye. Afiyo, Goti geʼamo akame nehaya kavaʼmoʼa ofalinimo neʼamiya kavaʼmo ago aeno age seʼniye.