Maki 12:29 - The Keyagana NT and 25 OT books

²⁹ Afi geʼnigenoʼaeʼmo, hogote keʼaepa gemo haneʼniyana, Isaleli vayaʼmogitapamo afiyo, huno, Ala kava neʼmo Gotitimoʼmo maiʼniye. Ala kava neʼmo magoke vekamo maiʼniye.

Maki 12:29 ပူးပေါင်းရင်းမြစ်များ

Mai'naya kavane 23:26

Mafaʼneʼnimogae, huʼna, kaipa kagesamo namiʼneka nehuva geʼnimo alagepa huka afiyo.

Matiyu 10:37

Mago vayaʼmogimo itaʼapi afoʼapimogifekeʼmo hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kavaʼmo huʼa oʼmaiʼnae. Ani kava huʼa mago vayaʼmogimo mafaʼneʼapieʼmofi aʼmafaʼneʼapieʼmofi huno hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kava huʼa oʼmaiʼnae.

Matiyu 23:9

Afotapimoʼmo magoke vekamo maiʼnenoʼaeʼmo kokuʼnapiʼmo maiʼniyaʼmofeʼmo ma mopafi vayaʼaifeʼmo, afotimogitapae, huta osiyo.

Luki 10:27

Ala kava neʼmo Gotikamofekeʼmo muki kaipafatinagi muki kagupi mafaʼnefatinagi muki himamukafatinagi muki kagesamo neʼafina yapatinagi huka kahau kayamopafiʼmo kahaino. Kagaikaeʼmo kahau kayamopafiʼmo kahauʼniya kava huka kahaopaleʼmo maiʼnaya vayaʼaifeʼmo kahaino, huno ha paiʼnigenoʼaeʼmo,

Lomu 3:30

Gotiʼa magokeʼageʼmo maiʼniyanageno Yu vayaʼmogi apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge Yu nofi vayapatiʼmo oʼmaiʼnaya vayaʼmogiʼeʼmo apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge hugiye.

1 Kolitiyani 8:4

Nehiyaʼmofeʼmo aigofe gotiʼapimogi afu ameʼamo neʼapamiya ofalinimo nesupi oʼnesupi ani kavafeʼmo avoʼmo kaegesuve. Aigofe gotiʼapimogimo ma mopafi ina agufa yaʼmo haneʼnigeno magoke Gotiʼa agaiʼageʼmo maiʼniyana mago alu gotigimo alagi oʼmaiʼnae, huta ago afiʼnone.

Galesiya 3:20

Magoke vekaeʼmo fikumo kaha maeʼna kamiguve, huno ha paisiyaʼmoʼmo folagapi vekamo aliʼyaʼamo ohanegaiyaʼmofeʼmo Gotiʼa Emalehamufeʼmo, fikumo kaha maegauve, huno ha paiʼniya afinaʼmo folagapi vekamo oʼmaiʼnigenoʼaeʼmo hu maleʼniye.

1 Timoti 1:5

Kagaemo hapa paisanageʼa afiteʼapaeʼmo hapau apayamopafiʼmo hapausiyafeʼmo hapa paiyo, huʼna ago kaha paiʼnove. Inagi hapau apayamopafiʼmo nehapaiya kavaʼmo yaveyave apaipafatiʼmo afole aige alagepa huno alino fako huno neʼapateya apakupi mafaʼnefatiʼmo afole aige lama ge huʼa apakesamo afiʼa fatago nehaya kavatetiʼmo afole aige nehiye.

1 Timoti 2:5

Gotiʼa magoke vekamo maiʼnigeta lagaemo maiʼnonanageno agaeʼeʼmo magokepi lokaeta maisunafeʼmo ani magoke vekamo folagapi vekamoʼmo Kalaisi Yesuʼa vayaʼmo maiʼniye.

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.

Yuti 1:25

Ha le konali yaʼamo hanege ala agiʼamo hanege himamuʼamo hanege huʼnisigeno hemenimogi muki afinaʼmogi huno yagaino lapatege lapatege huno yagaino lapateno. He, lama ge.