Maki 12:2 - The Keyagana NT and 25 OT books

² Nofi alagamo ago afu leʼnigenoʼaeʼmo agaemo mago nofi alagamo alisiyafeʼmo aliʼyaʼaleʼmo maiʼniya vekamo alino ateʼnigeno hoyaʼaleʼmo yagaiʼa ateʼnaya vayaʼaitegamo uʼniye.

Maki 12:2 ပူးပေါင်းရင်းမြစ်များ

2 Sitoli 36:15

Ala kava neʼmo apakinago vayaʼmogi Gotiʼapimoʼmo vayaʼaʼeʼmo maiʼniya mono noʼaeʼmo hauʼniyaʼmofeʼmo vayaʼmo gotilamiyapiʼmo he tiʼa aliʼyaʼmo neʼaliya kava huno Gotiʼa malage huno he tino apa vayaʼamo alino apateʼnigeʼa ute ute huʼa ehetapiye, huʼa hapa paiʼnae.

Esala 9:11

Kagaemo aliʼyakamo neʼaliya polofeti vayakamogimo kagaetegati gemo aliʼniʼeʼa aeʼa hakalo huʼa hapa nepaiya vayaʼai apavayafatiʼmo laha paiʼnana keʼaepa gekamo ago amagita ataleʼnone. Apakaemo laha paiʼapaeʼmo, Gotiʼa uta alisaya mopaleʼmo maiʼnaya vayaʼai hosu kavaʼapiyeʼmo alagi ohauʼnigenoʼaeʼmo avenatuʼnaʼmo heno neʼatale. Ani oʼaniya hosu kavaʼapimoʼa kosino alopa heteno muki ma mopafiʼmo aino atagu faeʼniye.

Samu 1:3

Apakaemo ani agoʼnanenamo folagapiʼmo fai maleʼniya yosamoʼmo alagamo neʼaeya afinaʼmo alagamo aesigenoʼaeʼmo haitaʼamo falu noteya yosagana huʼa maiʼnae. Muki aliʼnaya aliʼyaʼapimoʼmo alagepa huno afole neʼaiye.

Maika 7:1

Kage kage huʼna yulagefaʼmo neʼauve. Nagaemo mago vekamoʼmo aga teʼnigenoʼaeʼmo mago neʼnaya alagepa yosa alagamo noʼageya agufa kava huʼna fatago vayaʼmo noʼapakove. Muki haga nofi alagaʼe haga yosa alagaʼeʼmo mukiʼamo neʼa hano huʼnaya kava huʼa muki fatago vayaʼmo oʼmaiʼnae.

Matiyu 21:34

Nofi alagamo ago afu leʼnigenoʼaeʼmo agaemo aliʼyaʼamo neʼaliya vayaʼmogi nofi alaga hetamaʼamo alisayafeʼmo alino apateʼnigeʼa hoyaʼaleʼmo neʼyagaiya vayaʼaitegamo uʼnae.

Maki 12:1

Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleʼneno kegiʼya huno vego hu maleteno nofi alagamo aeʼa lata paisageno aniʼamo uno lamisiya kelimo kafiteno yatala noʼmo ani hoyaleʼmo yagaiʼa maisaya vayaʼai noʼmo ki maleʼniye. Agaemo mago vayaʼmogi yagaiʼa ateʼnisageno nofi alaga afu lesigeʼapaeʼmo apakaemo ani nofi alagamo lagisayafeʼmo apavaleno apateteno afagi kotega uʼniye.

Maki 12:3

Uʼnigeʼa hoyaʼaleʼmo yagaiʼa ateʼnaya vayaʼmogimo atafauʼa amagiteʼapaeʼmo, okamigunanagi afaʼa ataleka uvo, huʼa huʼnageno ataleno uʼniye.

Luki 12:48

aliʼyaʼmo neʼaliya vekamoʼmo aliʼyaʼmo afoʼamoʼmo hauʼniya kavaʼmo oʼafiʼneno amagisiya agufa hosu kavaʼmo huno maiʼnisiyaʼmoʼmo aiseʼamo amagigiye. Vayaʼmogimo alopa yaʼmo apamiʼnageʼa aliʼnaya vayaʼaifeʼmo huʼapaeʼmo, alopa yaʼmo namiyo, huʼa hugae. Alopa yaʼmo apamiʼnageʼa aliʼnaya vayaʼmogi anonaʼapimo alopa anonamo magoʼe huno hanegaiye.

Luki 20:10

Nofi alagamo ago afu leʼnigenoʼaeʼmo agaemo mago nofi alagamo alisiyafeʼmo aliʼyaʼamo neʼaliya vekamo alino ateʼnigeno uʼniye. Uʼnigeʼapaeʼmo hoyaʼaleʼmo yagaiʼnaya vayaʼmogimo atafauʼa amagiteʼapaeʼmo, afaʼa ataleka uvo, huʼa ha paiʼnageno oʼalino afaʼa ataleno eʼniye.

Himulu 1:1

Akeyaʼvilagamo Gotiʼa agaiʼalegati gemo alini eʼa aeʼa hakalo huʼa hapa paiʼnaya vayaʼai apavayafatiʼmo laginago vayaʼaifeʼmo hapa paiʼniye. Alu afinaʼae alu afinaʼaeʼmo aise gemo hapa paite hapa paite huge alu kavatetiʼe alu kavatetiʼeʼmo hapa paige huʼniye.