Maki 12:13 - The Keyagana NT and 25 OT books

¹³ Apakaemo ataleʼa uteʼa Falasi vayaʼe Helotiʼa akame nehaya vayaʼefeʼmo hapa paiʼapaeʼmo, aneʼaimo hanagi maleʼnageno malage huno neʼatafaiya kava hutapa yagaiʼneta geʼaletiʼmo atafaiyo, huʼa huteʼa aliʼa apateʼnageʼa agaetegamo uʼnae.

Maki 12:13 ပူးပေါင်းရင်းမြစ်များ

Samu 140:5

Himuʼnamu vayaʼmogimo natafausiyafeʼmo aneʼaiʼmo hanagi malege kaʼnileʼmo umenimo malege nehae.

Samu 38:12

Namagisayafeʼmo nehaya vayaʼmogimo aneʼaimo hanagi maleʼnae. Namagisayafeʼmo nehaya vayaʼmogimo nagaetegamo hisaya kavafeʼmo muki afinaʼmo apakesa afifi huʼa maiʼneʼa namagisaya kafeʼmo kahauya huʼa agesayafeʼmo nehae.

Matiyu 16:6

Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Maki 12:14

Eʼapaeʼmo, Tisao, huʼa, ago kageʼnonana lama gemo nehana vekamo maiʼneka muki vayaʼaifeʼmo koli osuka muki vayaʼaitegamo magoke aiyaya kavaʼmo nehane. Goti geʼamo akame hisaya katefeʼmo lama gekaletiʼmo alika apaya neʼmalane. Lagaemo takesi monimo Sisaʼa yagaino neʼapateya gamani vekamo amisunafeʼmo keʼaepa gemoʼa hunoʼaeʼmo, amiyo, huno huʼnifi osuʼniye.

Maki 3:6

Falasi mono vayaʼmogi ani kavaʼmo ageteʼapaeʼmo mono nopatiʼmo emi eʼa malage huʼa Helotiʼa akame huʼnaya vayaʼeʼmo aliʼa anupa huʼa maiʼneʼa Yesuʼa amagisayafeʼmo ge huge afige huʼa maiʼnae.

Maki 8:15

Yesuʼa lokiya ge hunoʼaeʼmo, alagepa huta kava yagaiyo. Falasi vayaʼai peleti mayafiʼmo aeno apafu neleya yaʼe Heloti akame vayaʼamogi peleti mayafiʼmo aeno apafu neleya yaʼefeʼmo ehetapiye, huno hapa paiʼnigeʼapaeʼmo

Luki 11:54

Agoti huʼa atesayafeʼmo hosu gemo hisiyaʼaeʼmae, huʼa huteʼa aneʼaimo hanagigekana hu maleteʼa yagaiʼa maiteʼa afiʼa maiʼnae.