Maki 12:11 - The Keyagana NT and 25 OT books

¹¹ Ala kava neʼmoʼa ani kavaʼmo alino afole aino ateʼnigeta ageta lahau aitetaeʼmo, vae, huta, alagepa kavaʼmo nehiye, huta nehune, huno huʼniye, huno Yesuʼa hapa paiʼniye.

Maki 12:11 ပူးပေါင်းရင်းမြစ်များ

Aepa Gemae 24:50

Inagi Lepaniʼe Metuveliʼeʼmo geʼaleʼmo aeʼana atagaina huʼanaeʼmo, Ala kava netegatiʼmo ani kavaʼmo eʼniyaʼmofeʼmo laʼagaemo alagepa geʼe hosu geʼeʼmo afaʼa osuguʼae.

Samu 118:22

Yafatetiʼmo noʼmo nekiya vayaʼmogimo mago no nekiya yafafeʼmo, afa yafane, huʼa huteʼa aliʼa yaga auʼa ataleʼnagenoʼaeʼmo Gotiʼa ani yafafeʼmo, hogote yafaʼmo noʼmo aluga alugaʼamo faiʼna atesuva yafaʼmo haneʼniye, huno huteno alino asagauno ateʼniye.

Samu 118:23

Ala kava neʼmoʼa ani kavaʼmo huʼnigetaeʼmo ageteta aeto agufa kanale kavaʼmo huʼniye, huteta lahau aiʼnone.

Hamakaki 1:5

Ala kava neʼmoʼa geʼaleʼmo aeno atagaina huno ha painoʼaeʼmo, Ago, huʼna, nagaemo alu nofi vaya alu nofi vayaʼmogi folagapiʼmo lokiya kavaʼmo huguve. Agetapa lahapau oʼaiyo. Nagaemo lapakaemo maiʼnaya afinaʼmo lusi aliʼyaʼmo aliguve. Mago vekamoʼmo ani kavafeʼmo lapa paiʼniyesinana ani geeʼmo lama gemo huʼniye, hutapa lapakesamo oʼafiʼnaesine.

Napa 23:23

Kame vayaʼapimogimo Isaleli vayaʼaitegamo analisamo hapaege sakuma kavaʼmo huge hisayana ani kavaʼmoʼa alino hosu huno oʼapategaiye. Oʼapategaiyaʼmofeʼmo hemenimo alu nofi vayaʼmogimo Isaleli vayaʼaifeʼmo ina ge hugae. Apakeyo, huʼa, Gotiʼa lusi kavaʼmo huno Isaleli vayaʼaina hapa maeʼniye, huʼa hugae.

Matiyu 21:42

Yesuʼa hunoʼaeʼmo, lapakaemo mago Goti gemo avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo, Yafatetiʼmo no nekiya vayaʼmogimo mago no nekiya yafafeʼmo huʼapaeʼmo, afa yafane, huʼa huteʼa aliʼa ataleʼnayaʼmonanafa kanale hogote kona yafaʼmo afole aiʼniye. Ala kava neʼmoʼa mani kavaʼmo alino afole aino ateʼnigeta ageteta lahau aitetaeʼmo, vae, huta, alagepa kavaʼmo huʼniye, huta huʼnone, huno huʼniye.

Apa 2:12

Muki vayaʼmogi afiʼa hapau aiteʼa apakesa alaʼamo afiteʼapaeʼmo apakaiʼapi apakaiʼapimo huʼapaeʼmo, Ani kavaʼmo aepaʼamo na agufa kavane, huʼa ge huʼa apafige apafige huʼa maiʼnae.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.