Maki 11:33 - The Keyagana NT and 25 OT books

³³ Afiʼnayaʼmofeʼmo Yesufeʼmo huʼapaeʼmo, oʼafiʼnone, huʼa huʼnagenoʼaeʼmo, ina kava huʼna haiya agufa alagena yaʼmo yagaiʼna apateʼnova alagena yaʼmo aliʼneʼna ani kavaʼmo nehufi, huʼna lapa opaiguve, huno hapa paiʼniye.

Maki 11:33 ပူးပေါင်းရင်းမြစ်များ

Aiyeya 1:3

Pulumakamogimo afoʼapimoʼmo ago ageʼnae. Nokimogimo afoʼapimoʼmo neʼyaʼmo neʼapamiya yuvapamo ago ageʼnae. Ageʼnayaʼmonanafa Isaleli vayaʼmogi nagaemo nageʼa aeto osuʼnae. Vayaʼnimo maiʼnayaʼmonanafa nagaefeʼmo apakesamo noʼafiye.

Aiyeya 56:10

Isaleli vayaʼaiteʼmo yagaiʼa neʼapataya vayaʼmo apaulagamo fali kaeʼniye. Gemo alagepa huʼa noʼafiye. Apake noʼaiya kalagana huʼa maiʼneʼa hau hau nosae. Havaesayafeʼmo hapauʼnigeʼa apauʼmaiʼmai huʼa maiʼnae.

Matiyu 15:14

Afaʼa apateyo. Apaulagamo ali huʼnigeʼa alu vayaʼmo kaʼmo aliʼa ho huʼa apavaleliʼa neʼvaya vayane. Mago aulagamo ali huʼnisiya vekamoʼmo alu vekamo aulagamo ali huʼnisiya vekamo ayateʼmo alino avalelino visiyana magokepiʼmo uʼana kelifiʼmo asagauʼana aigaʼae, huno hapa paiʼniye.

Matiyu 16:4

Hosu vayaʼmogimo Gotiʼapimoʼa ataleʼa kumai heʼa ugekana kava nehaya vayaʼmogi alagena kavaʼmo agesayafeʼmo nehayaʼmonanafa alagena kavaʼmo alino apave oligiyaʼmonanafa Gotitegati gemo alinineno aeno hakalo huno hapa nepaiya vekamo Yonaʼa huʼniya alagena kavaʼamo alino apave ligiye, huno hapa paiteno apataleno uʼniye.

Matiyu 21:27

Huʼa huteʼa Yesufeʼmo huʼapaeʼmo, oʼafiʼnone, huʼa ha paiʼnagenoʼaeʼmo ani kava huʼna haiya agufa alagena yaʼnimo yagaiʼnova yaʼmo aliʼneʼna ani agufa kavaʼmo nehufi huʼna lapa opaiguve, huno hapa paiʼniye.

Maki 11:32

Hugiyaʼmofeʼmo lagaemo hutaeʼmo, vayaʼmogi lekana paiʼa ateʼnae, huta hisunana ani gemoʼa kanale osugiye. Apakaemo muki vayaʼaifeʼmo koli huʼnayaʼmofeʼmo ani gemo osuʼnae. Muki vayaʼmogimo Yonifeʼmo alagepa vekamo Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnae.

Maki 12:1

Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleʼneno kegiʼya huno vego hu maleteno nofi alagamo aeʼa lata paisageno aniʼamo uno lamisiya kelimo kafiteno yatala noʼmo ani hoyaleʼmo yagaiʼa maisaya vayaʼai noʼmo ki maleʼniye. Agaemo mago vayaʼmogi yagaiʼa ateʼnisageno nofi alaga afu lesigeʼapaeʼmo apakaemo ani nofi alagamo lagisayafeʼmo apavaleno apateteno afagi kotega uʼniye.

Yoni 3:10

Ala vekamo maiʼneka Isaleli vayaʼmo alika apaya neʼmalana vekamo maiʼnanaʼmonanafa ani kavafeʼmo oʼafiʼnapiye.

Yoni 9:27

ago lapa paiʼnovaʼmonanafa oʼafiʼnae. Na kava higetapaeʼmo halate magoʼe hutapa afigefeʼmo nehae. Afole oʼaiʼniyesina agufa kavaʼmo hemenimo ago afole aiʼnigetapaeʼmo geʼamo neʼafiya vayaʼmo maisayafeʼmo nehafiye, huno hapa paiʼnigeʼapaeʼmo,

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

2 Kolitiyani 3:15

Kenamoʼmo apaipa apakesaleʼmo aino ati kaeno haneme haneme neʼegenoʼaeʼmo ani afinaʼmo Mosese gemo lekana nepaigenoʼaeʼmo ani kenamo afaʼa haneʼniye.