Maki 11:24 - The Keyagana NT and 25 OT books

²⁴ Ani kavaʼmo haneʼniyaʼmofeʼmo lapa nepauve, huno, lapakaemo na agufa kavafeʼmo nunumuʼmo hutapa afi negesafi aliguve hutapa lapakesa afita fatago huʼnetapa hiyo afaʼa aligayanagi.

Maki 11:24 ပူးပေါင်းရင်းမြစ်များ

Matiyu 18:19

Mani kavatefeʼmo magoʼe gemo lapa nepauve, huno, Hainu afinaʼmo lapakaepatiʼmo lole vekalaʼmoganimo mago kavafeʼmo nunumuʼmo huʼanaeʼmo laʼamiyo huʼana magoke anaipa anakesamo aliʼneʼana huʼnisaʼana kokuʼnapi afoʼnimoʼmo afaʼa hana maeno anamigiye.

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Maki 11:25

Nunumuʼmo hugefeʼmo he tita maiʼnetapaeʼmo hosu lapaipamo kalitapa ateʼnisaya vekamo hosu kavaʼamo alita atalegenoʼao kokuʼnapi Afotapimoʼmo ina kava huno hosu kavatapimo alino ataleno.

Yoni 14:13

Lapakaemo nagiʼniletiʼmo na agufa kavafeʼmo nunumuʼmo hutapa nafi gesafi Afoʼnimo ha le konali yaʼamo aliʼna lapave lisuvafeʼmo ani kavaʼmo afaʼa huguve.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

1 Kolitiyani 14:13

Nehayaʼmofeʼmo alu apake alu apakemo neʼaiya vayaʼmogimo huʼapaeʼmo, ani gemo aliʼna afe leʼna hisuvafeʼmo himamukamo namiyo, huʼa nunumuʼmo hiyo.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.