Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maki 11:14 - The Keyagana NT and 25 OT books

14 Yesuʼa hunoʼaeʼmo, halate alagamo oʼaesanageʼa vayaʼmogi eʼa lagiʼa oʼnegae, huno huʼnigeʼa geʼamo neʼafiya vayaʼmogi afiʼnae.

အခန်းကိုကြည့်ပါ။ ကော်ပီ




Maki 11:14
15 ပူးပေါင်းရင်းမြစ်များ  

Yesuʼa hunoʼaeʼmo, magoʼe gemo huʼna aeʼna kalafefa gefatiʼmo huguvanagi afiyo, huno hapa paiʼniye. Mago mopa aepa vekamoʼmo nofi hoyamo vaiteno kegiʼya hu maleteno nofi alagamo aeʼa lata paisaya kelimo kafi maleteno yatala noʼmo nofi hoyaleʼmo yagaisaya vayaʼai noʼmo ki maleʼniye. Agaemo mago vayaʼmogi hoyaʼaleʼmo yagaiʼa ateʼnisageno atagi neno enoʼaeʼmo alino fako huno mago nofi alagaʼamo agaiʼamo alisigeʼa apakaemo mago nofi alagaʼamo alisayafeʼmo apavaleno apateteno afagi kotegamo uʼniye.


Vayaʼmo mani yafateʼmo asagauʼaiʼa apagoʼya faisageno aino afiʼneno aise aise hugiye. Mani yafaʼmo haiya vayaʼaiteʼmo asagauno aisifigeno kamitimo apamagino aino latapaino mumusopagana huno apatalegaiye, huno hapa paiʼniye.


Koʼneletiʼmo yosamo hafuʼyaʼaʼeʼmo heno halagatino atalesiyafeʼmo ago alo huno maleʼniye. Agaemo muki yosamoʼmo alagepa alagamo noʼaesiyana koʼneletiʼmo heʼya aino atafiʼmo kaegaiye.


Muki alagepa alagamo noʼaeya yosaʼamo ago heʼya aiteʼa aliʼa atafiʼmo yaga auʼa nekae.


Apakaemo Yulusalemu taonifiʼmo uʼa avaʼyi huteʼa Yesuʼa Yu vayaʼai alopa mono nopiʼmo uno haino ageyana ani mono nopiʼmo maketi nehaya vayaʼmo maiʼnageno apaketeno alino hapa faino apataleʼniye. Agaemo alu vayaʼai monimo aliteʼa Yu vayaʼai monimo neʼapamiya vayaʼai hiʼyalamuʼapimo alino agoʼya faino atalege namamo maketi nehaya vayaʼai siyaʼapimo alino agoʼya faino atalege huʼniye.


Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.


Apakaemo Ala kava neʼmoʼa apakufamo alino katino neʼapateya vekamo Yesu Kalaisiʼmo ageʼnaya kavatetiʼmo ma mopafi hosu oʼaniʼya kavategatiʼmo faiʼa kasalo paetaleʼa eʼnayanageno halate hosu kavaʼapimoʼmo nofi aegekana huno apatafauno apateʼneno aeno apakasesiyaʼmoʼmo aepa faiʼniya afinaʼmo hosu kava huʼa neʼmaiyaʼmonanafa atupa afinaʼapimo magoʼe huʼa alagi hosu kavaʼmo huʼa maigae.


Hosu kavaʼmo nehaya vayaʼmo afaʼa apataleʼnegeʼapao ani hosu kavaʼmo magoʼe huʼa huʼa maiyo. Oʼaniʼya kavaʼmo nehaya vayaʼmo afaʼa apataleʼnegeʼapao ani oʼaniʼya kavaʼmo magoʼe huʼa huʼa maiyo. Alagepa kavaʼmo nehaya vayaʼmo afaʼa apataleʼnegeʼapao ani alagepa kavaʼmo magoʼe huʼa huʼa maiyo. Apaote kavaʼmo nehaya vayaʼmo afaʼa apataleʼnegeʼapao ani apaote kavaʼmo magoʼe huʼa huʼa maiyo, huno naha paiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ