Maki 10:6 - The Keyagana NT and 25 OT books

⁶ Akeyaʼvilaga Gotiʼa muki yaʼmo alo huʼniya afinaʼmo ve kanomo alo huno ateteno a kanomo alo huno ateʼniye.

Maki 10:6 ပူးပေါင်းရင်းမြစ်များ

Aepa Gemae 1:1

Akeyaʼvilagamo aepa faiʼniya afinaʼmo Gotiʼa kokuʼnaʼe mopaʼeʼmo afa yatetiʼmo alo huʼniye.

Aepa Gemae 1:27

Inagi Gotiʼa vemo agaiʼagana huno alo huʼniye. Gotiʼa ve kanoʼe a kanoʼeʼmo alo huʼniye.

Aepa Gemae 5:2

Gotiʼa vemo alo huteno aʼmo alo huʼniye. Agaemo alo huno anateteno alino auleno anatetenoʼaeʼmo muki vayaʼaifeʼmo, vayane, huno apaki aeʼniye.

Maki 13:19

Ani afinaʼmo afole aisiya hanageke yaʼmoʼa hogoteno afole aiʼniya hanageke yaʼmo Gotiʼa ma mopamo alo huʼniya afinatetiʼmo afole aime aime eʼniya hanageke yanagi muki afole aisiya hanageke yanagi huno ago aeno aga seno afole aigiye.

Lomu 1:20

Gotiʼa ma mopamo alo huʼniya afinatetiʼmo muki vayaʼmogi alo huʼniya yaʼamo ago ageme ageme eʼnae. Ageme ageme neʼeʼapaeʼmo apaulagaletiʼmo noʼagaya yaʼmo Gotiʼa hanege hanege huno hanesiya himamuʼamo ageteʼapaeʼmo, aeto agufa vekamo hogote vekamo alagi ago aeno lagaseʼniya vekamo maiʼniye, huʼa neʼagae. Neʼagayaʼmofeʼmo hosu kavaʼapimo aeʼa ati kaesayafeʼmo, alagi oʼageʼnone, huʼa afaʼa osugae.

2 Pita 3:4

Apakaemo huʼapaeʼmo, agaemo emiʼnegauve, huno huʼniyana hemenimo haiyatega maiʼniye. Ma mopamo alo huʼniya afinatetiʼmo muki yaʼamo afaʼa haneme haneme eno haneʼnigeʼa afotimogi ageteʼa falitageno hemeniʼeʼmo magoke agufa yakeʼmo haneʼniye, huʼa hugae.