Maki 10:49 - The Keyagana NT and 25 OT books

⁴⁹ Yesuʼa eno he tino maiʼnenoʼaeʼmo, ani vekaeʼmo ke higeno nagaetegamo eno, huno huʼnigeʼa aulaga ali huʼniya vekaeʼmo huʼapaeʼmo, kaipamo lokiya vaika kato. Kagaefeʼmo ge nehigi he tiyo, huʼa huʼnageno

Maki 10:49 ပူးပေါင်းရင်းမြစ်များ

Samu 145:8

Ala kava neʼmoʼa fikumo laha maeno lamige hau huno latege malage huno aipamo leno olatege hau ayamopafiʼmo hauge nehiye.

Matiyu 9:2

Mago vayaʼmogimo kanage kanaga osuno yakaikonaʼaleʼmo havaeno neʼmaiya vekamo avaleliʼeʼa Yesu haopaleʼmo ateʼnae. Yesuʼa agaiʼaeʼmo apakesamo afiʼa fatago huʼnaya kavaʼapimo apaketenoʼaeʼmo kanage kanaga osuno neʼmaiya vekaeʼmo ha painoʼaeʼmo, mafaʼneʼnimogae, huno, hosu kavakamo aliʼna ataleʼnovanagi koli osuka kaipamoʼmo falu hino, huno ha paiʼniye.

Maki 10:50

alonokuʼmo asagino ataleteno malage huno aeno hailo huno he tino Yesutegamo eʼniye.

Luki 18:40

Yesuʼa eno he tino maiʼnenoʼaeʼmo, avalelita eyo, huno hapa paiʼnigeʼapaeʼmo avaleliʼa eʼnagenoʼaeʼmo,

Yoni 11:28

Mataʼa ani gemo hutenoʼaeʼmo halate aino atagi neno uno vayaʼmogimo oʼafisayafeʼmo aganaʼamoʼmo Maliyafeʼmo sumi huno ha painoʼaeʼmo, Tisa vekamo ago eno manileʼmo avaʼyi huteno kagaefeʼmo eno, huno ge nehiye, huno ha paiʼnigeno

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.