Maki 10:34 - The Keyagana NT and 25 OT books

³⁴ Atesageʼa huʼa faipa huʼa atege apaviʼna heʼa atege nofi kayotetiʼmo amagige huteʼa kamitimo amagigae. Loleʼe magoʼe afinaʼmo utesigeno halate he tigiye, huno hapa paiʼniye.

Maki 10:34 ပူးပေါင်းရင်းမြစ်များ

Samu 16:10

Kagaemo mani kavatefeʼmo nagupi mafaʼnemo kanolufiʼmo oʼatalegane. Kagaemo, aote vekaʼnimo agufaʼamo atalesugeno okasaligiye, huka huʼnane.

Samu 22:13

Laiyoni anagaʼmogi apaka teʼnigeʼapaeʼmo kae kae nehaya kava huʼa nagaetegamo apavayamo aka nehae.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Matiyu 16:21

Yesuʼa ani afinatetiʼmo geʼamo neʼafiya vayaʼaifeʼmo aepa faino huno afole aino hapa painoʼaeʼmo, nagaemo Yulusalemu taonifiʼmo uʼna maiʼnisugeʼapaeʼmo vayatama vayanagi mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo aliʼa apaya neʼmalaya vayanagi huʼa lusi hanageke yaʼmo namiteʼa kamitimo namagigae. Loleʼe magoʼe afinaʼmo utesigeno halate alino he tino nategaiye, huno hapa paiʼniye.

Matiyu 26:67

Huʼa huteʼa augosafiʼmo apavenatuʼna heʼa ateteʼa siki kayoʼmo amagiʼnae.

Matiyu 27:63

Ala vekae, huʼa, ani aigofe gemo nehiya vekamoʼmo afaʼa maiʼnenoʼaeʼmo, loleʼe magoʼe afinaʼmo utesigeʼna halate he tiguve, huno huʼniya geeʼmo lagesamo afiʼnonaʼmofeʼmo

Maki 14:63

Huʼnigeno mono huʼa neʼapataya vayaʼaiteʼmo yagaino neʼapateya vekamoʼmo afitenoʼaeʼmo agaiʼa yatala kukenaʼamo alino apake aino ataleteno, magoʼe vayaʼmogi eʼa faigoko gemo huʼa laha paisageta afisuna gemo ohane.

Maki 14:65

Mago vayaʼamogi aepa faiʼa apaviʼna heʼa atege augosafiʼmo lavolavoletiʼmo kiʼa aiʼa atikaeʼa ateʼneʼa siki kayoʼmo amagiteʼapaeʼmo, ina laʼmo kamagiʼnifigi kaune gemo huka laha paiyo, huʼa huge huge huʼa maiʼnae. Ati vayaʼmogimo lusi kava huʼa amagiʼnae.

Luki 23:11

Helotiʼe ati vayaʼamogiʼeʼmo agiʼaleʼmo aliʼa afepi atege huʼa faipa huʼa atege huteʼa alagepa kukena yaʼmo vaiʼa ateteʼapaeʼmo Helotiʼa halate alino Pailatitegamo ateʼnigeno uʼniye.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 2:10

muki vayaʼmogimo hogoteʼa neʼyaʼmo neʼnaya yateʼmo eʼa maiʼnaya vayaʼmo alagepa nofi alagafati anikeʼmo lakiʼa apamiʼnageʼa asole aniʼmo netageʼapaekeʼmo henagaʼageʼmo hosuʼniya nofi alagafati aniʼmo neʼapamiye. Ani kavaʼmo nehayaʼmonanafa kagaemo hemenimo alagepa nofi alagafati aniʼmo maleka maiʼneka alinikeka nelamine, huno ha paiʼniye.

1 Kolitiyani 15:4

Kanolufiʼmo kiʼa ateʼnageno loleʼe magoʼe afinaʼmo utegenoʼaeʼmo ago alino he tino ateʼniye.