Maki 10:24 - The Keyagana NT and 25 OT books

²⁴ Geʼamo neʼafiya vayaʼmogimo ani gemo afiteʼapaeʼmo hapau aiteʼa atete huʼnae. Hapau aiʼnayaʼmonanafa Yesuʼa hunoʼaeʼmo, mafaʼneʼnimogitapae, huno, kagemi yaʼapieʼmo aliʼa amufa neʼamiya vayaʼmo Gotiʼa yagaino neʼapateya koteʼmo uʼa haisayafeʼmo lusi kava huno lokiya vaiʼniye.

Maki 10:24 ပူးပေါင်းရင်းမြစ်များ

Samu 17:14

O Ala kava nene, huʼna, kayatetiʼmo ma mopafi vayaʼai apayapatiʼmo nagufamo alika katika nato. Ma mopafikeʼmo hetamaʼapimo haneʼniye. Kagaemo fala kino haneʼniya alagepa yakamo alika neʼapaminagenoʼaeʼmo apakupafiʼmo havai teʼniye. Mafaʼneʼapimo neʼyaʼmoʼa apamu paeʼniye. Apakaemo kagemi yaʼapimo neʼatalageʼapaeʼmo nute mafaʼneʼapimogi neʼaliye.

Samu 62:10

Lapakaemo agoti hutapa apatege kumaya alige hisaya kavafeʼmo alita amufa oʼamiyo lapa oʼmaegayanagi. Monitapimo magoʼe huno hanesigetapaeʼmo, laha maegaiye, huta lapakesamo oʼafiyo.

Mai'naya kavane 11:28

Kagemi yaʼnimoʼa alagepa huno naha maegaiye, huno alino amufa neʼamiya vekamoʼmo asagauno aigiyaʼmonanafa fatago vekamoʼmo saufa yosamo alagamo neʼaeya kava huno magoʼe magoʼe huno alagepa kavaʼmo huno maigiye.

Mai'naya kavane 18:11

Kagemi yaʼamo haneʼniya vekamoʼmo kagemi yaʼamoʼmo lokiya taonigana huno haneʼniye. Agaemo agesamo afinoʼaeʼmo, lokiya yafa lafi kegiʼyaʼnimo haneʼniye, huno agesamo neʼafiye.

Mai'naya kavane 23:5

Nama kanomo neʼaganagenoʼaeʼmo malage huno halelino neʼviya kava huno kagemi yaʼmo malage huno hano hugiye.

Hamakaki 2:9

Vaehae, huʼa, afamo anagaʼamo alagepa huʼa maisayafeʼmo haʼye huʼninageno hosu kavaʼmo nehisiya vekamo lusi hanageke yaʼmo aligiye. Agaeteʼmo kage kage kavaʼmo afole aigiye. Nama anagaʼmogimo alagepa huʼa maisayafeʼmo apanoʼmo muga anagaʼamo nekiya kava huno alagepa huno afaʼa maisiyafeʼmo hauʼniya vekamae. Agaemo agaiʼaleʼmo hosu kavaʼmo alagi afole oʼaisiyafeʼmae.

Sefanaiya 1:18

Ala kava neʼmoʼa aipamo neleya kavaʼmo afole aisiya afinaʼmo muki siluva yafaʼapimoʼe goli yafaʼapimoʼeʼmo alagi hapa oʼmaegaiye. Haʼao. Kaino nefaiya kavaʼmoʼa atagana huno muki Isaleli mopamo leno asagaligiye. Agaemo malage huno muki mani koteʼmo maiʼnaya vayaʼmo alagi alino hano huno apatalegaiye.

Matiyu 19:25

Geʼamo neʼafiya vayaʼmogimo ani gemo afiteʼapaeʼmo lusi kava huʼa hapau aiteʼapaeʼmo, uʼa haisaya kaʼmo ohaneʼnisiyaʼmoʼmo haiya vayaʼmogimo afaʼa uʼa haisageno hapau vaino apakufamo alino katino apategaiye, huʼa afi geʼnae.

Maki 1:27

Vayaʼmogi ageteʼa hapau aiteʼa huʼapaeʼmo, na agufa kavaʼmo nehiye. Haiya agufa saufa geletiʼmo alino apaya neʼmale. Agaemo himamuʼaletiʼmo ge nehigeʼapaeʼmo hosu apaune vayaʼmogi geʼamo afiʼnae, huʼa huteʼa hapau aiʼnae.

Maki 10:23

Yesuʼa geʼamo neʼafiya vayaʼmo aulu hapaeno apaketenoʼaeʼmo, Alopa kagemi yaʼapimo aliʼnisaya vayaʼmo Gotiʼa yagaino neʼapateya koteʼmo uʼa haisayafeʼmo lusi kava huno lokiya vaiʼniye.

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Yoni 13:33

Mafaʼneʼnimogitapae, huno, aise afinaʼmo lapakaeʼeʼmo magokepi lokaeʼna maiguve. Kahauya hutapa nagesayafeʼmo hugayaʼmonanafa oʼnagegae. Yu vayaʼaifeʼmo huʼnaeʼmo, visuva koteʼmo afaʼa oʼugae, huʼna hapa paiʼnovanageʼna hemeniʼeʼmo lapakaeʼeʼmo ani agufa gemo huʼna lapa nepauve.

Yoni 21:5

Yesuʼa hunoʼaeʼmo, neya ve anagane, huno, mago noyame aliʼnafiye, huno apafi geʼnigeʼapaeʼmo, haʼao, oʼaliʼnone, huʼa ha paiʼnagenoʼaeʼmo,

Yoni 6:60

Asole vayaʼmo geʼamo neʼafiya vayapatiʼmo mago vayaʼamo ani gemo afiteʼapaeʼmo, ani gemoʼmo kana huʼniyaʼmofeʼmo ina lagimo ani gemo afiʼa aeto hugae, huʼa huʼnae.

Galesiya 4:19

Nahauʼniya mafaʼneʼnimogitapae, huʼna, aʼnemogimo mafaʼnemo aliʼa atesayafeʼmo apakafu nekiya kava huʼna lapakaemo Goti mafaʼnemo hamalesayafeʼmo nagafu kiʼniyanageʼna Kalaisikana hutapa maisayafeʼmo halate magoʼe huno nagafu nekiye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.

1 Yoni 4:4

Aise mafaʼneʼnimogitapae, huʼna, lapakaemo Goti mafaʼneʼamo maiʼnetapaeʼmo kamemo hutapa aigofe vayaʼmo ago aeta apakaseʼnae. Lapaipafiʼmo maiʼniya Aunemeʼamoʼa ma mopafi vayaʼai apaipafiʼmo maiʼniya aunemeʼamo ago aeno agaseno maiʼniyaʼmofeʼmae.

1 Yoni 5:21

Aise mafaʼneʼnimogitapae, huʼna, aigofe gotiʼapimogimo apakame osutapa maita halove huta maiyo. He, lama ge.

Leveleseni 3:17

Lapakaemo hutapaeʼmo, Kagemi yatimo haneʼniya vayaʼmogeta muki yatimo haneʼniye. Mago yafeʼmo kafu osuʼnona vayaʼmo maiʼnone, hutapa nehayaʼmonanafa lapakaemo hutapaeʼmo, lagaemo hosu kavapiʼmo maige hapau huʼa latesaya kopiʼmo maige kagemi yatimo ohaneʼniya vayaʼmo maige laulagamo ali huʼniya vayaʼmo maige lagufaʼalagaʼageʼmo maige huʼnone, hutapa oʼageʼnae.