Maki 10:2 - The Keyagana NT and 25 OT books

² Mago Falasi vayaʼmo agaetegamo eʼa amalageka huʼapaeʼmo, keʼaepa gemoʼa hunoʼaeʼmo, aʼnemo afaʼa hapa faiʼa atalegae, huno huʼnifi osuʼniye, huʼa afi geʼnae.

Maki 10:2 ပူးပေါင်းရင်းမြစ်များ

Malakai 2:16

Ala kava neʼmo Isaleli vayaʼmogi Gotiʼapimoʼmo muki vayaʼaiteʼmo yagaino neʼapateya vekamoʼmo hunoʼaeʼmo, Lapakaemo aʼnetapimo hapa faitapa neʼapatalaya kavafeʼmo alagi oʼnahauʼniye. Ani kavatetiʼmo kavetamo nehaya kavaʼmo afole neʼaigetapa aʼnetapimo neʼapamagiye. Ani hosu kavaʼmo afole neʼaiyaʼmofeʼmo lapaunelapameteʼmo alagepa hutapa yagaitapa atetetapa aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.

Matiyu 15:12

Huno hapa paitegeʼa geʼamo neʼafiya vayaʼmo agaetegamo eʼa ha paiʼapaeʼmo, Falasi mono vayaʼmogi huʼnana gemo afiteʼapaeʼmo hosu apaipamo kaliʼnae, huka apakeʼnapiye, huʼa afi geʼnagenoʼaeʼmo,

Matiyu 16:1

Mago Falasi mono vayaʼe Satiyusi mono vayaʼeʼmo Yesutegamo eʼa amalageka huʼapaeʼmo, kokuʼnapi himamukaletiʼmo alagena kavaʼmo hugeta ageno, huʼa ha paiʼnae.

Matiyu 19:3

Mago Falasi mono vayaʼmogimo agaetegamo eʼa amalageka huʼa ge huʼa afisayafeʼmo huʼapaeʼmo, aʼne anagaʼmogimo alu kava alu kavaʼmo hisageʼapaeʼmo anauʼapimogimo afaʼa hapa faiʼa apatalesayana keʼaepa getimo amagiʼa atalegafi kanale kavaʼmo hugae, huʼa afi geʼnagenoʼaeʼmo,

Matiyu 22:35

Maiʼneʼapaeʼmo apakaepatiʼmo mago vekamoʼmo keʼaepa gemo alagepa huno afiʼneno alino apaya neʼmaleya vekamoʼmo amalageka huno ge huno afi gesiyafeʼmo hunoʼaeʼmo,

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 9:34

Huʼnayaʼmonanafa Falasi mono vayaʼmogi huʼapaeʼmo, hosu apaune vayaʼaiteʼmo yagaino neʼapateya vekamo himamuʼaletiʼmo hosu apaune vayaʼmo alino hapafaino neʼatale, huʼa huʼnae.

Maki 10:1

Yesuʼa ani kotetiʼmo atalenuno Yutiya kotegamo Yoneni aniʼmo lakaenuno maiʼnigeʼapaeʼmo asole vayaʼmo halate agaetega eʼa aliʼa anupa huʼa maiʼnageno nehiya agufa kavaʼmo huno alino apaya maleʼniye.

Maki 10:3

Yesuʼa hunoʼaeʼmo, Moseseʼa na agufa keʼaepa gemo lapamiʼniye, huno apafi geʼnigeʼapaeʼmo,

Maki 8:11

Mago Falasi vayaʼmo Yesutega eʼa mago geletiʼmo aepa faiʼa kaveta huʼnae. Huʼapaeʼmo, kokuʼnategatiʼmo noʼagona lokiya kavaʼmo alika lave ligeta ageno, huʼa amalageka huʼa ge huʼa afigeʼnae.

Maki 8:15

Yesuʼa lokiya ge hunoʼaeʼmo, alagepa huta kava yagaiyo. Falasi vayaʼai peleti mayafiʼmo aeno apafu neleya yaʼe Heloti akame vayaʼamogi peleti mayafiʼmo aeno apafu neleya yaʼefeʼmo ehetapiye, huno hapa paiʼnigeʼapaeʼmo

Luki 11:39

Ala kava neʼmoʼa hunoʼaeʼmo, Falasi vayaʼmogitapamo kapumo agotofuʼalegaʼe yuvapamo agotofuʼalegaʼeʼmo sese nehayaʼmonanafa lapaipafiʼmo lapaʼye nehiya kavaʼe hosu kavatapiʼeʼmo havai teʼniye.

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Luki 5:30

Falasi vayaʼe Falasi vayapati vayaʼmogimo keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apaketeʼapaeʼmo geʼamo neʼafiya vayaʼaifeʼmo hagalu hagalu huʼa gemo huʼapaeʼmo, na kava higetapaeʼmo takesi moni neʼaliya vayaʼe hosu vayaʼeʼmo magokepi lokaeta maiʼnetapa neʼyaʼe aniʼeʼmo neʼnae, huʼa ge huʼa apafi geʼnagenoʼaeʼmo

Luki 6:7

Keʼaepa gemo avoʼmo kaeʼa aliʼa apaya neʼmalaya vayaʼe Falasi vayaʼmogiʼeʼmo hosu kavaʼmo nehiye, huʼa hisaya kafeʼmo kahauya huʼa agesayafeʼmo yagaiʼa maiʼnae. Ageteʼapaeʼmo, Sapati afinaʼmo ayaʼmo alino api aino atesifigetae, huʼa huteʼa agava maiʼnae.

Luki 7:30

Falasi vayaʼe keʼaepa gemo aliʼa apaya neʼmalaya vayaʼmogiʼeʼmo Yoniʼa aniʼmo faleno apatesiyafeʼmo ohapauʼnigeʼapaeʼmo, haʼao, huʼa huʼnayaʼmofeʼmo Gotiʼa hapa maesiya gemo hapa paiyo, huno hapa paiʼniya gemo ago amagiʼa ataleʼnae.

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 11:57

Mono huʼa neʼapataya vayaʼaiteʼmo yagaiʼa neʼapataya vayaʼe Falasi vayaʼmogiʼeʼmo huʼapaeʼmo, mago vekamogamo agesanaʼmoʼmo eka laha paigetao kalavusi huta ateno, huʼa hu maleʼnae.

Yoni 7:32

Ani agufa gemo huteʼa sumi huʼa nehageʼapaeʼmo Falasi mono vayaʼmogimo afiʼnae. Afiteʼapaeʼmo apakaeʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo ati vayaʼmogi kalavusi huʼa atesayafeʼmo aliʼa apateʼnageʼa uʼnae.

Yoni 7:48

Monoteʼmo yagaiʼa neʼapataya vayapati vayaʼmogimofi Falasi mono vayapati vayaʼmogimofi huʼa geʼamo neʼafigetapa apakeʼnafiye.

Yoni 8:6

Amalageka huʼa afiteʼapaeʼmo hosu gemo huʼniye, huʼa huteʼa agoti huʼa atesaya geeʼmo kahauya hisayafeʼmo ge huʼa afi geʼnayaʼmonanafa ape huno maiʼneno ati yagaina ayatetiʼmo mopaleʼmo avoʼmo kaeno maiʼniye.

1 Kolitiyani 10:9

Apakaepatiʼmo magoʼamogimo Ala kava nefeʼmo apakesamo afiʼa fatago osuʼnayaʼmofeʼmo amalageka huʼnagenoʼaeʼmo nagaloʼyave anagaʼmogimo hapaeʼnageʼa faliʼnae. Mani agufa kavaʼmo huta lagaeʼeʼmo Ala kava neʼmo afaʼa amalageka osigetao.