Maki 1:41 - The Keyagana NT and 25 OT books

⁴¹ Yesuʼa hau huno atetenoʼaeʼmo ayaʼmo alino ataleno agufaleʼmo maleʼnenoʼaeʼmo, nahauʼniyanagi afaʼa alagepa huka maiyo, huno ha paiʼniye.

Maki 1:41 ပူးပေါင်းရင်းမြစ်များ

Aepa Gemae 1:3

Maiʼnigenoʼaeʼmo Gotiʼa, aeka halo, huno nehigeno aeno ha leʼniye.

Matiyu 9:36

Agaemo asole vayaʼmo apaketenoʼaeʼmo aipafiʼmo hau huno apateʼniye. Sipisipileʼmo yagaino neʼapateya vekamo ago apataleno uʼnigeʼa sipisipi afumo atagu faeʼa uʼeʼa huʼa maiʼnayana hapa maesiya vekamo oʼmaiʼnigeʼa maiʼnaya kava huʼa asole vayaʼmo maiʼnageno apaketenoʼaeʼmo hau huno apateʼniye.

Maki 1:40

Mago lepolosi kaitaʼmo hauʼniya vekamo Yesutegamo eno mopafiʼmo aleʼya faiʼnenoʼaeʼmo, kahao ke hovanagi kahauʼnisiyana afaʼa alika nahageka nategane, huno huʼnigenoʼaeʼmo

Maki 1:42

Ha paiʼnigeno lepolosi kaitaʼamo alagi hageʼnigeno afa agufamo hamaleʼniye.

Maki 4:39

He tino yasieʼmo ge hauteno anifeʼmo ha painoʼaeʼmo, hano huvo, huno huʼnigeno yasimo hano huʼnigeno aniʼmo afaʼa haneʼniye.

Maki 5:41

Ayateʼmo neʼalinoʼaeʼmo, talita kumi, huno huʼniye. Ani gemo aepaʼamo haneʼniyana aise aʼmafaʼneo he tiyo, huʼna kaha nepauve, huno huʼniye.

Maki 6:34

Yesuʼa sipifatiʼmo emineno apakeyana asole vayaʼmo eʼa maiʼnageno apaketenoʼaeʼmo, sipisipile neʼyagaiya vekamo oʼmaiʼnigeʼa afa sipisipigana huʼa maiʼnae, huno huteno hau huno apateteno aepa faino alino apaya maleʼniye.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.