Maki 1:35 - The Keyagana NT and 25 OT books

³⁵ Egamo gotigefeʼmo huʼnigenoʼaeʼmo Yesuʼa he tino taonifatiʼmo atalenuno vaya oʼmaiʼnaya haopalegamo nunumuʼmo huʼniye.

Maki 1:35 ပူးပေါင်းရင်းမြစ်များ

Samu 5:3

Nagaemo muki afinaʼmo netepiʼmo ge hisugeka afigane. O, Ala kava nene, huʼna, Netepiʼmo nunumuʼmo hisuva geʼnimoʼmo kevemo haegekana huʼna kahaeteʼna aliʼna maku huʼna kagegauve.

Matiyu 14:13

Yesuʼa ani gemo afitenoʼaeʼmo agaiʼageʼmo maisiyafeʼmo sipifiʼmo uʼa kaʼme kotegamo maiʼnae. Aniʼmo lakaeno uʼniye, huʼa huʼnageʼa afiteʼapaeʼmo asole vayaʼmo taoniʼafati taoniʼafatiʼmo eʼa akame huʼa visayafeʼmo ani agiʼnaleʼmo uʼnae.

Matiyu 14:23

Hapa paitenoʼaeʼmo nunumuʼmo hisiyafeʼmo agaiʼageʼmo aise avefiʼmo uno haino maiʼniye. Hani hugefeʼmo huʼniya kanaleʼmo agaiʼageʼmo maiʼnigeno

Maki 1:36

Nunumuʼmo huʼnigeʼapaeʼmo Saimoniʼe avagi huʼa uʼnaya vayaʼeʼmo kahauya huliʼuʼa ageteʼapaeʼmo, muki vayaʼmogimo kagesayafeʼmo kahauya nehae, huʼa ha paiʼnae.

Luki 5:16

Maiʼnayaʼmonanafa muki afinaʼmo apataleno uno kaʼme kotegamo nunumuʼmo huge huge huno maiʼniye.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Yoni 6:15

Ani vayaʼmogimo eʼa Yesuʼmo atafauʼa yagaino apatesiya kini vekamo aliʼa hamaleʼa atesayafeʼmo huʼnagenoʼaeʼmo Yesuʼa apakeʼniyaʼmofeʼmo apataleno agaiʼageʼmo avefiʼmo uno haiʼniye.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Filipai 2:5

Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.