Maki 1:32 - The Keyagana NT and 25 OT books

³² Yegemo uno lamino faleʼnigeʼapaeʼmo mago vayaʼmogi Yesutegamo kaita hapauʼniya vayanagi hosu apaune vayaʼmo apaipafiʼmo maiʼnaya vayanagi huʼa apavaleliʼa eʼnae.

Maki 1:32 ပူးပေါင်းရင်းမြစ်များ

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Matiyu 8:16

Uneʼamo Yesutegamo asole hosu apaune vayaʼmo vayaʼai apaipafiʼmo maiʼnaya vayaʼmo apavaleliʼeʼa apateʼnae. Yesuʼa geʼaletiʼmo hosu apaune vayaʼmo vayaʼai apaipafatiʼmo alino hapa faino apatalegeʼa uʼnagenoʼaeʼmo muki alu kaita alu kaitaʼmo hapauʼniya vayaʼeʼmo alino hapageno apateʼniye.

Matiyu 8:17

Agaemo Aiyeyaʼa Gotitegati gemo alinineno aeno hakalo huno hapa nepaiya vekamoʼmo mani kavafeʼmo huʼniya kavaʼmo afole aisiyafeʼmo huʼniye. Aiyeyaʼa hunoʼaeʼmo, Agaemo alu kaita alu kaitaʼmo lahauʼniya kaitaʼmo laha maeno alininuno ataleʼniye, huno avoʼmo kae maleʼniye.

Maki 1:21

Yesuʼe geʼamo neʼafiya vayaʼeʼmo Kapeneyamu taonifiʼmo uʼa maiʼnageno Sapati afinaʼmo afole aiʼnigeno Yesuʼa Yu vayaʼai mono nopiʼmo uno haino alino apaya maleʼniye.

Maki 1:31

uno ayateʼmo alino he tino ateʼnigeno amuko kaita hauʼniya yaʼamo hageʼnigeno uno neʼyaʼmo yagita huno apateʼniye.

Maki 3:2

Mago vayaʼamogimo agoti huʼa atesayafeʼmo ageʼa maiʼneʼapaeʼmo, Sapati afinaʼmo alino api aeno atesifigeta agegaune, huʼa huʼnae.

Luki 4:40

Yegemo uno lamino falegefe huʼnigeʼapaeʼmo kaita hapauʼniya vayaʼaiteʼmo yagaiʼa neʼapataya vayaʼmogi kaita hapauʼniya vayaʼmo Yesutegamo apavaleliʼa eʼnae. Agaemo muki alu kaita alu kaitaʼmo hapauʼniya vayaʼmogi apakufaleʼmo ayaʼmo maleʼnenoʼaeʼmo alino hapageno apateʼniye.

Luki 4:41

Inagi hosu apaune vayaʼmo asole vayaʼmogi apaipafatiʼmo emi eʼapaeʼmo, Goti mafaʼneʼamo maiʼnane, huʼa alopa gefatiʼmo huʼnae. Kalaisi vekamo maiʼniye, huʼa ago ageʼnayaʼmofeʼmo Yesuʼa hunoʼaeʼmo, ge osuta afa maiyo, huno hapa paiʼniye.