Maki 1:28 - The Keyagana NT and 25 OT books

²⁸ Ina kava huʼnigeno malage huno Yesufeʼmo ava gemoʼmo aino atagu faeno muki Galeliya kotegamo uneno huʼniye.

Maki 1:28 ပူးပေါင်းရင်းမြစ်များ

Maika 5:4

Inagi ani vekamoʼmo agaiʼa sipisipi vayaʼaleʼmo Ala kava neʼmo Gotiʼamo himamuʼaletiʼe ha le konali agiʼaletiʼeʼmo yagaino apateʼnenoʼaeʼmo neʼyaʼmo apamigiye. Muki ma mopafi vayaʼmogimo ala agiʼamo amigayaʼmofeʼmo vayaʼamo alagepa huʼa maige maige huʼa maigae.

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Matiyu 9:26

Ani kavaʼmo huʼniya ava gemo muki haopalegamo aino atagu faeno uneno huʼniye.

Matiyu 9:31

uʼana ava gemo aeʼana hakalo huʼana hapa paiʼnaʼageno muki ani haopalegamo aino atagu faeno uneno huʼniye.

Maki 1:27

Vayaʼmogi ageteʼa hapau aiteʼa huʼapaeʼmo, na agufa kavaʼmo nehiye. Haiya agufa saufa geletiʼmo alino apaya neʼmale. Agaemo himamuʼaletiʼmo ge nehigeʼapaeʼmo hosu apaune vayaʼmogi geʼamo afiʼnae, huʼa huteʼa hapau aiʼnae.

Maki 1:29

Yesuʼe geʼamo neʼafiya vayaʼeʼmo mono nopatiʼmo emi eʼapaeʼmo Yemisiʼagi Yoniʼagi huʼa Saimonigani Etalugani nopiʼmo uʼa haiʼa maiʼnae.

Maki 1:45

Ani ge huʼniyaʼmonanafa neʼunoʼaeʼmo muki vayaʼaifeʼmo hapa pai male hapa pai male hulino uʼniye. Ina kavaʼmo huʼniyaʼmofeʼmo Yesuʼa muki vayaʼai apaulagaleʼmo taonifiʼmo afaʼa oʼuʼniye. Vayaʼmo oʼmaiʼnaya kotegamo uno maiʼnigeʼapaeʼmo agaetegamo muki haopalegatiʼmo ete ete huʼnae.

Luki 4:17

Mago vekamoʼmo Aiyeyaʼa Gotitegati gemo alinino eno aeno hakalo huno hapa nepaiya vekamoʼmo avoʼmo kae maleʼniya mukumo alino amiʼnigeno alino vakaleno kahauya huno ageteno lekana painoʼaeʼmo,

Luki 4:37

Yesufeʼmo ava gemo muki haopalegamo aino atagu faeno uneno huʼniye.

Luki 7:17

Ani kavafeʼmo ava gemo huli u eʼa huʼnageno aino atagu faeno muki Yutiya kotegaʼe muki haopalegaʼeʼmo uneno huʼniye.