Maki 1:2 - The Keyagana NT and 25 OT books

² Gotitegati gemo alini eʼana aeʼana hakalo huʼana hapa nepaiʼa vekalaʼmoganimo ani hogoteno aepa faiʼniya kavafeʼmo ava gemo huʼana avoʼmo kae maleʼnaʼae. Mago vekamoʼmo hunoʼaeʼmo, Gotiʼa hunoʼaeʼmo, ago, huno, apa vekaʼnimo esiya kaʼmo valino atesiyafeʼmo aliʼna atesugeno uno hogotegaiye, huno huʼniye, huno avoʼmo kae maleʼnigeno mago vekamoʼmo hunoʼaeʼmo,

Maki 1:2 ပူးပေါင်းရင်းမြစ်များ

Samu 40:7

Namiʼnanageʼnaeʼmo, Nago, huʼna, nagaemo neʼove. Goti mukufiʼmo nava gemo haneʼniye.

Malakai 3:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, nagaemo apa vekaʼnimo aliʼna atesugeno uno hogoteteno kaʼmo valino nategaiye. Ala kava neʼmo kahauya hutapa agesayafeʼmo lapauʼniya vekamo malage huno alopa mono noʼaleʼmo egaiye. Kotalakemo hu maleʼniya gelefeʼmo apa vekaʼamo egaiye. Afiyo, huno, egaiye.

Matiyu 11:10

Ani vekaeʼmo ava gemo hunoʼaeʼmo, nagaemo hogoteʼna apa vekaʼnimo aliʼna atesugeno uno hogoteteno kaʼmo valino kategaiye, huno avoʼmo kae maleʼniye.

Matiyu 2:5

Metelehamu taonimo Yuta kotegatiʼmo afole aigiye. Gotitegati gemo alinineno aeno hakalo huno hapa nepaiya vekamoʼmo hunoʼaeʼmo,

Matiyu 26:24

Vemo mafaʼnemoʼa Goti mukufiʼmo ago avoʼmo kae maleʼnaya kateʼmo ugiyaʼmonanafa kutulu yaʼmo aliʼniya vekalegamo kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Matiyu 26:31

Neʼuʼapaeʼmo Yesuʼa hunoʼaeʼmo, Mani haniʼilagamo nagaetegamo afole aisiya hosu kavatefeʼmo asagauta aitetapa mukiʼamogitapamo nataleta lapaune hegae. Goti Mukufiʼmo avoʼmo kae maleʼniya gemoʼa hunoʼaeʼmo, Nagaemo sipisipileʼmo yagaino neʼapateya vekamo amagisugeʼapaeʼmo sipisipi anagaʼamo ataleʼa apaune heʼa u eʼa hugae, huno hu maleʼniya gemo haneʼniyaʼmofeʼmae.

Luki 1:70

Akeyaʼvilagamo ani kavafeʼmo agaetegati gemo alini eʼa aeʼa hakalo huʼa hapa nepaiya vayaʼai apavayafatiʼmo ago laha paiʼniye.

Luki 1:76

Kagaemo mafaʼneʼnimogae, huʼna, hogote vekamo aeno apaka seʼniya vekalegatiʼmo geʼamo alinineno aeno hakalo huno hapa nepaiya vekae, huʼa kagi aegae. Kagaemo Ala kava neʼmo esiya kaʼmo alagepa huka valika ateʼnisanageno egaiye.

Luki 18:31

Yesuʼa tuolofuʼa vayaʼmo apaote apavalelinunoʼaeʼmo, afiyo, huno, Yulusalemu taonifiʼmo neʼvisunagenoʼaeʼmo akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼmogimo Vemo Mafaʼneeʼmo ava gemo huʼa avoʼmo kae maleʼnaya kavaʼmo afole aigiye.