Maki 1:15 - The Keyagana NT and 25 OT books

¹⁵ Hapa painoʼaeʼmo, ani afinaʼmo ago afole aiʼniye. Gotiʼa vayaʼaiteʼmo yagaino apatesiya afinaʼmo alagi hogo huʼniyanagi lapaipamo alita afe letetapa alagepa faigoko geʼaeʼmo lapakesamo afita fatago hiyo, huno huʼniye.

Maki 1:15 ပူးပေါင်းရင်းမြစ်များ

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Neniyo 9:25

Ani kava hugiyaʼmofeʼmo kagaemo afole aisiya kavaʼmo afiteka ago. Halate Yulusalemu taonimo utapa kiyo, huno hisiya afinaʼmo seveniʼa sotamo afole aiteno sigisiti tuʼa sotamo afole aitesigeno Mesaiya vekamo yagaino apatesiya vekamoʼmo aliʼyaʼamo aepa faino aligiye. Hogoteno seveniʼa sotamo afole neʼaisigeʼapaeʼmo alopa hanageke yaʼmo afole aisiya afinaʼmo Yulusalemu kaʼe yafa kegiʼyaʼeʼmo hugae.

Matiyu 10:7

Utapaeʼmo, Gotiʼa yagaino apatesiya kavaʼmo alagi hogoʼamo afole aigefeʼmo hiye, hutapa aeta hakalo huta hapa paiyo.

Matiyu 3:2

Hapa painoʼaeʼmo, Gotiʼa vayaʼaiteʼmo yagaino apatesiya afinaʼmo alagi ago hogo huʼniyanagi lapaipamo alita afe leyo, huno hapa paino maiʼniye.

Matiyu 4:17

Yesuʼa ani haopalegamo uno aepa faino aeno hakalo huno hapa painoʼaeʼmo, Gotiʼa vayaʼaiteʼmo yagaino apatesiya afinaʼmo ago hogo huʼniyanagi lapaipamo alita afe leyo, huno hapa paino maiʼniye.

Luki 10:11

lapakaitapifiʼmo faigoko gemo hanesiyafeʼmo apakae taonifiʼmo lapaiyalegatiʼmo mumusopamo alita kalo paetaletapa ugae. Afiyo, huno, Gotiʼa yagaino neʼapateya kavaʼmo lapaopaleʼmo ago afole aiʼniyaʼmonanafa oʼageʼnae, huta hapa paiyo.

Luki 10:9

Kaita hapauʼnisiya vayaʼmo alita hapageta apatetetapaeʼmo, Gotiʼa yagaino neʼapateya kavaʼmo lapaopaleʼmo ago eʼniye, huta hapa paiyo.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Apa 20:21

Nagaemo Yu nofi vayaʼe Galiki nofi vayaʼefeʼmo ago afiʼnova geletiʼmo huʼnaeʼmo, Gotitefeʼmo lapaipamo alita afe lege Ala kava netimo Yesu Kalaisifekeʼmo lapakesamo afita fatago huge hiyo, huʼna hapa paiʼnove.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Galesiya 4:4

Gotiʼa hu maleʼniya afinaʼmo afole aiʼnigenoʼaeʼmo Mafaʼneʼamo alino ateʼnigeno emineʼniye. Mago ma mopafi a kanomoʼmo alino ateʼnigeno Yu keʼaepa gemo afeʼalumelagamo maiʼniye.

Efasasi 1:10

Agesamo afino hu maletenoʼaeʼmo, hu maleʼnova afinaʼmo afole aisigeʼnaeʼmo muki kokuʼnapi vayaʼe ma mopafi vayaʼeʼmo aliʼna anupa huʼna apatesugeno Mafaʼneʼnimoʼmo yagaino apategaiye, huno huʼniye.

1 Timoti 2:6

Agaemo muki vayaʼmo miya faino hatu maeno apatesiyafeʼmo agaiʼa agufamo Gotina amiʼnigeʼapaeʼmo Gotiʼa lekana pai maleʼniya afinaʼmo geʼamo aeʼa hakalo huʼa hapa paigae.

Taitasi 1:3

Polomasi gemo huʼniyaʼmonanafa afole aigiye, huno huteno lekana pai maleʼniya afinaʼmo vayaʼmogi geʼamo aeʼa hakalo huʼa hapa paiʼnagenoʼaeʼmo afole yategamo alagi afole aiʼniye. Gotiʼa lagufamo alino katino nelateya vekamoʼmo mani gemo alino namitenoʼaeʼmo, aeka hakalo huka hapa paiyo, huno naha paiʼnigeʼna aeʼna hakalo huʼna hapa nepauve.