Mai'naya kavane 9:18 - The Keyagana NT and 25 OT books

¹⁸ Ha nepaiyaʼmonanafa ani vekamoʼa noʼafiʼmo faliʼnaya vayaʼmo neʼmaiye, huno oʼageʼniye. Noʼafiʼmo uʼa haiʼnaya vayaʼmo ata kopiʼmo uʼa lamiʼa maiʼnae, huno oʼageʼniye.

Mai'naya kavane 9:18 ပူးပေါင်းရင်းမြစ်များ

Samu 82:5

Agoti gemo neʼafiya vayaʼmogimo oʼafige afiʼa aeto osuge huʼnae. Apakaemo hanipiʼmo umenitata nehae. Ma mopafi kavaʼapimo fatago kavaʼmo ohaneʼnigeʼa apakaemo fatago gemo huʼa aliʼa fako nosae.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Mai'naya kavane 1:7

Inagi Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniyaʼmonanafa negi vayaʼmogimo afiteʼa ageʼnaya gelefeʼmo apakameʼyamo amiteʼa aliʼa apaya neʼmalaya gemo noʼafiye.

Mai'naya kavane 5:5

Agaemo nefaliya kavategamo nelamiye. Neʼviya kaʼmo faliʼnaya vayaʼmo neʼvaya kaʼmo haneʼniye.

Mai'naya kavane 6:26

Mago vekamoʼmo kumai kavaʼmo nehiya a kanoʼeʼmo magokepi lokaeno maisiyana neʼyaʼmo miya faisiya moniʼamo hano hugiye. Afela afumo hapaesayafeʼmo apavegala neʼaya kava huno vegala aeno alopa monileʼyaʼmo aeno agaseʼniya aunemeʼamo aligiye.

Mai'naya kavane 7:26

Ani agufa aʼnemogi apayapatiʼmo asole vemo faliʼnae. Apakae apayapatiʼmo asole lokiya vemogi faliʼnae.

Mai'naya kavane 7:27

Ani aʼneʼai notegamo uʼniya kaʼmoʼa faliʼnaya vayaʼai kanolulegamo uʼniye. Ani kateʼmo akame hutapa visayaʼmoʼmo ata kopiʼmo uta lamigae.

2 Pita 3:5

Huʼa hugayaʼmonanafa akeyaʼvilaga Gotiʼa hunoʼaeʼmo, afole aino, huno huʼnigeno ma mopaʼe kokuʼnaʼeʼmo afa yatetiʼmo afole aiʼniye. Mopamo anipatiʼmo afole aiʼnigeno solovala aniʼmoʼa faino vego huno ateʼnigeno mopamo folagapiʼmo haneʼniye. Haneʼniya mopamo haneʼnigeno aniʼmoʼa henagaʼamo ago aeno ati kaeʼnigeno atafa mopamo ago hano huʼniye. Ani vayaʼmogimo mani kavafeʼmo apakesamo afisayafeʼmo ohapauʼnigeʼa apaulagamo ali huʼnigeʼa noʼagae.