Mai'naya kavane 8:8 - The Keyagana NT and 25 OT books

⁸ Muki geʼaʼnimo fatago geʼageʼmo haneʼniye. Kayagi kayaga gemo osuge humi apatesiya agufa gemo osuge nehuve.

Mai'naya kavane 8:8 ပူးပေါင်းရင်းမြစ်များ

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Mai'naya kavane 14:6

Himuʼnamu gemo nehaya vayaʼmogimo afiteʼa agesaya kavafeʼmo kahauya nehayaʼmonanafa noʼagae. Noʼagayaʼmonanafa afino aeto nehiya vekamoʼmo afiteno agesiyafeʼmo lokiya oʼvaiʼniye.

Mai'naya kavane 2:15

Kavaʼapimoʼmo kayagi kayaga huʼniye. Api kaʼmo ago ataleʼnae.

Mai'naya kavane 4:2

Alagepa gemo aliʼna lapaya maleʼnovanagi keʼaepa geʼnimo ataletapa oʼviyo.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Aiyeya 45:23

Nagaemo nagiʼniletiʼmo nagoʼyamo ataleteʼna ina gemo huʼnaeʼmo, Fatago gemo nehuva geleʼmo halate mago alu gemo osuguve. Muki vayaʼmogimo nagaetegamo eʼa apaleʼyamo faiʼneʼa apagoʼyamo ataleteʼa polomasi gemo hugae.

Aiyeya 63:1

Ina laʼmo Inomu kotega Mosala taonifatiʼmo ataleno neʼe. Kukena yaʼamo aluga aluga atupaleʼmo haesa yaʼmo haneʼniya vekamae. Agaemo alagepa ha le konali kukena yaʼmo vaiʼniya vekamo ami vekagana huno lokiyaʼaletiʼmo neʼe. Nagaemae. Nagaemo fatago kavafeʼmo ge huʼna apakufamo aliʼna katiʼna apatesuva lokiyaʼnimo haneʼniye.

Yoni 7:46

ani vekamoʼa aeto agufa gemo huʼniya agufa gemo muki vayaʼmogimo nosae, huʼa hapa paiʼnageʼapaeʼmo

Filipai 2:15

Vaiʼmo olapamisageno lapaipafiʼmo hosu kavatapimo ohaneʼnisiya Goti mafaʼneʼamo maigae. Lapakaemo hosu kavaʼmo nehaya vayaʼe hosu apaipa apakesamo neʼafiya vayaʼeʼmo maiʼnaya folagapiʼmo neʼmaiyaʼmofeʼmo lama gemokeʼmo afaʼa maisaya yaʼmo neʼapamiya geleʼmo atafautapa alagi huʼnetapa ha le yakana hutapa maiʼnetapaeʼmo ha le yaʼmo apamiyo. Lapakaemo ani kavaʼmo hutapa maiʼnisayana Kalaisi afinaʼmo afole aisigeʼnaeʼmo, nayamufa aliʼyaʼmo fikumo aliʼna ataleʼnove, huʼna osugufa namogaga aiguve.