Mai'naya kavane 8:7 - The Keyagana NT and 25 OT books

⁷ Muki geʼaʼnimo lama geʼageʼmo haneʼniye. Nagaemo aigofe kavafeʼmo alagi oʼnahaiye.

Mai'naya kavane 8:7 ပူးပေါင်းရင်းမြစ်များ

Samu 37:30

Fatago vayaʼmogimo ageteʼa afiʼnaya gemo huge gemo alagepa huʼa aliʼa fako huʼa afiteʼa ge huge nehae.

Mai'naya kavane 12:22

Ala kava neʼmoʼa aigofe gemo nehaya vayaʼaifeʼmo alagi ohauʼniyaʼmonanafa lama gemo nehaya vayaʼaifeʼmo hapaoke nehe.

Mai'naya kavane 16:12

Kini vayaʼmogimo fatago kavaʼmo hisayaʼmoʼmo yagaiʼa apateme apateme ugayaʼmonanafa kini vayaʼmogimo hosu kavaʼmo hisayaʼmoʼmo alagi hosugiye.

Mai'naya kavane 29:27

Fatago vayaʼmogimo aigofe vayaʼaifeʼmo ohapauʼnigeʼa apavenatuʼnaʼmo heʼa atalegekana huʼa neʼapatalae. Hosu vayaʼmogimo fatago vayaʼaifeʼmo ohapauʼnigeʼa apavenatuʼnaʼmo heʼa atalegekana huʼa neʼapatalae.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 17:17

Lama gekaletiʼmo apavaleka apaote apato. Gekamo alagi lama geʼageʼmo haneʼniye.

Yoni 18:37

Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno

Yoni 8:14

Yesuʼa hunoʼaeʼmo, nagaiʼniekeʼmo ani faigoko gemo huʼna naha maeʼna nehuvaʼmonanafa he alagi lama gemo nehuve. Haiya kotegatiʼmo eʼnofi haiya kotegamo visufi huʼna ago ageʼnovaʼmofeʼmo alagi lama gemo nehuve. Lapakaemo haiya kotegatiʼmo eʼnofi haiya kotegamo visufi hutapa oʼnageʼnae.

Lomu 15:8

Nagaemo huʼnaeʼmo, Gotiʼa Yu vayaʼmogita laginago vayaʼaifeʼmo fikumo lapa maegauve, huno hapa paiʼniya polomasi geʼamo afole aisiyafeʼmo Kalaisiʼa Goti aliʼyaʼamo neʼalinoʼaeʼmo Yu vayaʼaitegamo uno aliʼyaʼmo aliʼniye.

Leveleseni 3:14

Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.