Mai'naya kavane 8:36 - The Keyagana NT and 25 OT books

³⁶ Nagaetegamo hosu kavaʼmo nehisiya vekamoʼmo agaiʼa aunemeʼamo alino hosu huno neʼate. Nagaefeʼmo nohapaiya vayaʼmo falisaya kavafeʼmo nehapaiye.

Mai'naya kavane 8:36 ပူးပေါင်းရင်းမြစ်များ

Mai'naya kavane 1:31

Ani kavaʼmo huʼnayaʼmofeʼmo hosu kavaʼapilefeʼmo miyaʼapimo aligae. Vae, huʼna, Huʼnaya kavaʼmoʼa hosu yosa alagamo aesigeʼa lagiʼa negae.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Mai'naya kavane 12:1

Aliʼa aya neʼmalaya geʼapieʼmo hauʼniya vekamoʼmo afino aeto hisiya kavafeʼmo hauʼniyaʼmonanafa aliʼa api aiʼa atesaya geʼapieʼmo ohauʼniya vekamo negi vekamo maiʼniye.

Mai'naya kavane 15:32

Aliʼa aya malesayafeʼmo hisaya geeʼmo ina agufa gemo nehae, huno nehisiya vekamoʼmo agaiʼa aunemeʼaeʼmo ina agufa yane, huno nehiyaʼmonanafa aliʼa api aiʼa atesayafeʼmo hisaya gemo afisiya vekamoʼmo afino aeto hugiye.

Mai'naya kavane 20:2

Kini vekamoʼmo aipamo neleya kavaʼmoʼa laiyonimoʼmo alopa gefatiʼmo age neʼaiya gegana huno haneʼniye. Aipamo leno apatesiya agufa kavaʼmo hisaya vayaʼmo apakaiʼapigeʼmo aliʼa hosu huʼa apategae.

Mai'naya kavane 21:6

Aigofe gemo huteʼa asole monimo alisayafeʼmo kahauya nehaya vayaʼmo ani kava huʼa falisaya kavafeʼmo kahauya nehae. Asole yaʼmo aligune, huʼa apakesamo neʼafiya yaʼmoʼa alagamunamo ageʼnageno malage huno apake nekaniya kava huno hano hugiye.

Aiyeya 3:9

Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.

Apa 13:46

Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.

Apa 16:28

Aegefeʼmo nehigeno Poloʼa agetenoʼaeʼmo alopa gefatiʼmo hunoʼaeʼmo, kagaikamo kamitimo aeka kika katesanafeʼmo hananagi ani kavaʼmo osuvo. Lagaemo mukiʼamo afaʼa maiʼnone, huno ha paiʼniye.

1 Kolitiyani 16:22

Ala kava nefeʼmo hapau apayamopafiʼmo nohapaiya vayaʼmo Gotiʼa alagi apatalesigeʼa afela heyo. Ala kava netimo emikeno.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.