Mai'naya kavane 8:34 - The Keyagana NT and 25 OT books

³⁴ Nagaetegamo eʼa no kipateʼmo he tiʼa nagava maiʼneʼa geʼnimo neʼafiya vayaʼmo aulena vayaʼmo maiʼnae.

Mai'naya kavane 8:34 ပူးပေါင်းရင်းမြစ်များ

Samu 27:4

Nagaemo Gotiʼa magoke yaʼmo namisiyafeʼmo nahauʼniyanageʼna ani yaʼmo alisuvafekeʼmo kahauya huguve. Nagaemo Ala kava neʼmo nopiʼmo muki afaʼa maisuva afinaʼmo maiʼneʼna Ala kava neʼmo konali yaʼamo aulu heʼna ageteʼnaeʼmo alopa mono noʼafiʼmo maiʼneʼna ge huʼna afi gegauve.

Samu 84:10

Mago alagepa haopalegamo uʼna yatala afinaʼmo maisuvana namogaga aiguvaʼmonanafa nokafiʼmo aise afinaʼmo maisuvana magoʼe huʼna namogaga aiguve. Nagaemo Gotiʼnimo noʼafiʼmo afa ina agufa vekamo kipateʼmo yagaisuva vekamo maisuvafeʼmo nahauʼniyaʼmonanafa hosu vayaʼai noʼapifiʼmo uʼna haiʼna maisuvafeʼmo oʼnahauʼniye.

Samu 92:13

Ala kava neʼmo noʼafiʼmo fai maleʼniya vayaʼmogimo Gotitimo kegiʼyafiʼmo alagepa huʼa afole aigae.

Hatu maeno apate'niya gemae 12:7

Hatagautetapa kolaʼamo lakitapa maleʼnetapa nesaya noʼmo kipate atulu yosalatenagi yofo yosalatenagi hutapa faleyo.

Mai'naya kavane 1:21

Aliʼa anupa huʼa maiʼnaya yateʼmo maiʼneno ge nehiye. Yafa lafi kegiʼyamo haopaleʼmo aliʼa anupa huʼa neʼmaiya vayaʼaifeʼmo ge nehiye. Agaemo ina ge huno huʼniye.

Mai'naya kavane 3:13

Afiteno ageʼniya kavaʼmo aliʼniya vekamoʼmo amogaga aino alagepa huno neʼmaiye.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Matiyu 7:24

Ani kavafeʼmo huʼnaeʼmo, muki vayaʼmogimo mani hapa nepauva gemo afiteʼa akame nehaya vayaʼmogimo mago afiteno ageʼniya vekamoʼmo noʼamo alopa yafateʼmo faino ateteno ki maleʼniya vekagana huʼa maiʼnae.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Luki 10:39

Yesuʼa uno haino maiʼnigenoʼaeʼmo Mata aganaʼamoʼmo Maliyaʼa Yesu aiyafiʼmo maiʼneno huʼniya gemo afiʼniye.

Luki 11:28

Yesuʼa hunoʼaeʼmo, lama gemo nehanaʼmonanafa Goti geʼamo afiteʼa akame nehaya vayaʼmo alino auleno apateʼniye, huno ha paiʼniye.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.