Mai'naya kavane 8:23 - The Keyagana NT and 25 OT books

²³ Aepa ofaiʼniya afinatetiʼmo maiʼnogeno lekana paino nateʼniye. Ma mopamo ohaneʼnigeʼnaeʼmo hogoteʼna maiʼnove.

Mai'naya kavane 8:23 ပူးပေါင်းရင်းမြစ်များ

Aepa Gemae 1:26

Huteno Gotiʼa hunoʼaeʼmo, lagaemo vayaʼmo lagaitigana huta alo higetao. Apakaemo solovala anipi noyameleʼmo yagaige kokuʼnate namaleʼmo yagaige yuna afugi yagagafagi afela afugi muki ma mopafi yatenagi huʼa yagaige hugae, huno huʼniye.

Samu 2:6

Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Mai'naya kavane 4:7

Afiteka ageʼnana kavaʼmo hogote kavaʼmo haneʼniye. Hogote kavaʼmo haneʼniyaʼmofeʼmo afiteka agesana kavaʼmo aliyo. Muki alu ya alu yaʼmo aliʼnekaeʼmo afika aeto hisana kavaʼeʼmo aliyo.

Maika 5:1

O, Yulusalemu vayane, huno, ati vayatapimo apavaleta alita anupa hutapa apateyo. Kame vayatapimogi eʼa ago faiʼa vego huʼa lateʼnae. Apakaemo Isaleli vayaʼaiteʼmo yagaiʼniya vekamo agalametaleʼmo kayotetiʼmo amagigae, huno hapa paiʼniye.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Yoni 1:1

Akeyaʼvilagamo Gotiʼa ma mopamo alo osuʼneno aepa faiʼniya afinatetiʼmo mago vekamo agiʼamo Goti Geʼamo maiʼniye. Ani vekamo Gotiʼeʼmo magokepi lokaeʼana maiʼneʼanaeʼmo Gotikeʼmo maiʼniye.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.