Mai'naya kavane 8:21 - The Keyagana NT and 25 OT books

²¹ Nagaefeʼmo hapau apayamopafiʼmo nehapaiya vayaʼmogi alopa kagemi yaʼapimo alisayafʼeʼmo ani kavaʼmo nehuve. Aliʼa neʼmalaya noʼapifiʼmo havai tesiyafeʼmae.

Mai'naya kavane 8:21 ပူးပေါင်းရင်းမြစ်များ

Aepa Gemae 15:14

Henagaʼamo nagaemo aliʼyaʼapimo alisayafeʼmo aliʼa apaiyafiʼmo apateʼnaya vayaʼmo agoti huʼna apatetesugeʼapaeʼmo apataleʼa kagemi yaʼapimo aliniʼa ugae.

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Mai'naya kavane 1:13

Lagaemo ani vayaʼmogi alopa monileʼyaʼmo aeno agaseʼniya kagemi yaʼapimo aligune. Lagaemo alinita uta notifiʼmo malesunageno notifiʼmo kili paegaiye.

Mai'naya kavane 10:22

Ala kava neʼmoʼa alino auleno apateʼniya vayaʼmo kagemi yaʼapiʼe vayaʼmo maigae. Agaemo kana yaʼeʼmo magokepi alino lokaeno noʼapamiye.

Mai'naya kavane 15:6

Fatago vayaʼmogimo noʼapifiʼmo asole alagepa yaʼapimo maleʼnayaʼmonanafa hosu vayaʼmogi kagemi yaʼapimoʼmo hanageke yaʼmo alino neʼapamiye.

Mai'naya kavane 21:20

Afiteno ageʼniya vekamo noʼafiʼmo alagepa yaʼamo haneʼniyaʼmonanafa negi vekamoʼmo muki yaʼmo fikumo alino ataleno hano nehiye.

Mai'naya kavane 24:4

Afiʼniya kavaʼaletiʼmo muki aeno hanagi maleʼniya yaʼafiʼmo alopa monileʼyaʼmo aeno agaseʼniya yaʼmo malege muki alagepa yaʼmo malege huno maleno havai tegaiye.

Mai'naya kavane 6:31

Ani huʼniya kavaʼmo agesayana agoti huʼa atesageno ani huʼniya kavaʼmo anonaʼalefeʼmo asole yaʼmo apamigiye. Muki noʼafiʼmo haneʼnisiya yaʼamo alagi apamino hano hugiye.

Mai'naya kavane 8:18

Nagaemo kagemi yaʼapiʼe ala apakiʼapiʼeʼmo neʼapamuve. Fatago kavaʼniʼe hanege hanege huno hanesiya kagemi yaʼapiʼeʼmo neʼapamuve.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.

1 Pita 1:4

Afoʼapimogi yaʼmo mafaʼneʼapimogi neʼaliya kava huta Gotiʼa agaiʼa yaʼmo alisunafeʼmo kokuʼnapi yateʼmo yagaino nelate. Ani yaʼmo alagi okasalige hosuge atafa osege nehiyanageno alagepa huno hanege hanege huno afaʼa hanegaiye.

Leveleseni 21:7

Aeʼa neʼapakasaya vayaʼmogimo muki yaʼmo alisageʼna Gotiʼapimoʼnamo maisugeʼapaeʼmo mafaʼneʼnimo maigae.

1 Samiyo 2:8

Ma mopamo faino ateʼniya posimo Ala kava neʼmo posi yosamo haneʼniye. Agaemo ma mopamo mani posileʼmo faino ateʼniyaʼmofeʼmo kagemi yaʼapimo ohaneʼniya vayaʼmo mumusopafatiʼmo alino asagauno apatege neʼyafeʼmo aukaya nehaya vayaʼmo laʼnefafatiʼmo alino asagauno apatege nehiyanageʼa ala apaki aliteʼa yagaiʼa apatesayafeʼmae.