Mai'naya kavane 8:17 - The Keyagana NT and 25 OT books

¹⁷ Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Mai'naya kavane 8:17 ပူးပေါင်းရင်းမြစ်များ

2 Sitoli 34:3

Yosaiyaʼmo eitiʼa kafugamo neya kini vekamo maiʼnenoʼaeʼmo aginago kini vekamo Nevini Gotiʼamoʼmo agesiyafeʼmo aepa faino kahauya huʼniye. Agaemo tuolofuʼa kafugamo yagaino apatetenoʼaeʼmo Yuta haopalegaʼe Yulusalemu taonifiʼeʼmo yosaletiʼmo alo huʼnaya aune yatefenagi aeniletiʼmo alo huʼnaya aune yatefenagi haginaletiʼmo alo huʼnaya aune yatefenagi huʼa ave koteʼmo mono huʼnaya yaʼmo aepa faino alino ataleʼniye.

Samu 91:14

Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.

Mai'naya kavane 1:28

Ani kavaʼmo hutapa maiʼnetapaeʼmo nagaefeʼmo keya aeta ge hugayaʼmonanafa getapimo oʼafiguve. Lapayamukiki hutapa kahauya hutapa nagesayafeʼmo hugayaʼmonanafa oʼnagegae.

Mai'naya kavane 2:4

Vayaʼmogimo siluva yafafeʼmo lusi kava huʼa aliʼyaʼmo aliʼa kahauya nehaya agufa kavaʼmo huka kahauya hisanana ageka aligane. Vayaʼmogimo alagepa yaʼmo lageso huʼnigeʼapaeʼmo apayamukiki huʼa kahauya nehaya kava huka kahauya hisanana ageka aligane.

Mai'naya kavane 2:5

Ani agufa kavaʼmo nehisanana Ala kava nefeʼmo koli nehaya kavaʼmo aepaʼamo agegane. Kagaemo Gotiʼmo alagepa huka agegane.

Mai'naya kavane 4:6

Ani alagepa huʼa afiteʼa ageʼnaya kavaʼmo mago alagepa a kanogana huno haneʼniye. Kagaemo ani a kanomo oʼatalesanaʼmoʼmo alagepa huno yagaino katesigeka maigane. Agaefeʼmo kahau kayamopafiʼmo kahauʼnisiyaʼmoʼmo alagepa huno yagaino kategaiye.

Mai'naya kavane 8:16

Nagaetetiʼmo neʼyagaiya vayaʼe agoti gemo neʼafiya vayaʼeʼmo yagaiʼa neʼapatae.

Salomoni Yokemae 3:4

Nagaemo apataleʼna uvategamo malage huʼna nagupi mafaʼnemoʼmo hau ayamopafiʼmo hauʼniya vekaʼnimo ageʼnove. Nagaemo agaetegamo uʼnaeʼmo agaemo natalesiyafeʼmo oʼnahauʼnigeʼnaeʼmo anu kiʼna maiʼnove. Oʼataleʼna avaleliʼnuʼna alino nateʼniya itaʼnimoʼmo nehavaeya yapilagamo utaʼa haiʼnoʼae.

Aiyeya 45:19

Nagaemo fala kiʼna afagitega hani huʼniya kotegatiʼmo ge osuʼnove. Nagaemo Yekopu aginago vayaʼaifeʼmo huʼnaeʼmo, fiku kahauya hutapa nageyo, huʼna hapa opaiʼnofa lapa maesuvafekeʼmo kahauya hutapa nageyo, huʼna hapa paiʼnove. Ala kava neʼmoʼnamo fatago gemo huʼnaeʼmo, lama gemo nehuve.

Aiyeya 55:6

Lapakaemo Ala kava neʼmo kahauya hutapa agegefe hisaya afinaʼmo kahauya hutapa ageyo. Lapaopaleʼmo eno maisiya afinaʼmo keya aeta nunumuʼmo hiyo.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Maki 10:14

Yesuʼa ani kavaʼmo agetenoʼaeʼmo hosu aipamo kaliʼnigeno geʼamo neʼafiya vayaʼaifeʼmo hunoʼaeʼmo, aise mafaʼne anagaʼmo apatafauta oʼapategeʼa nagaetegamo afaʼa esageʼna ani agufa mafaʼnegana vayaʼmo Gotiʼa yagaino neʼapateya koteʼmo haneʼniya yaʼmo apakaiʼapi yaʼmo haneʼniyaʼmofeʼmae.

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 16:27

Lapakaemo nagaefeʼmo lapau lapayamopafiʼmo lapauʼnigetapaeʼmo Gotitegatiʼmo emineʼniye, hutapa lapakesamo afita fatago nehayaʼmofeʼmo Afoʼnimoʼmo agaiʼamo lapakaefeʼmo hau ayamopafiʼmo hauʼniye.

Yoni 5:4

Goti enisole vekaʼamoʼmo mago afinaʼmo emineno ani ani kotuteʼmo ame aliʼnigeno kanage kanage huʼnigeʼapaeʼmo aeno apakaseno ani kotupiʼmo hogoteno uno lamiʼniya vekamo na agufa kaitaʼmo hauʼnifi alino hageno ateʼnigeno afaʼa maiʼniye.

Yoni 7:37

Hopa afinaʼmo hano hugefeʼmo huʼniya afinaʼmo henagaʼamo alopa afinaʼmo afole aiʼnigenoʼaeʼmo Yesuʼa he tino alopa gefatiʼmo hapa painoʼaeʼmo, mago vekamoʼa anifeʼmo hauʼnisiyana eno nagaetegatiʼmo aniʼmo neno.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

1 Yoni 4:19

Gotiʼa hogoteno lagaefeʼmo hau ayamopafiʼmo hauʼniyaʼmofeʼmo lagaemo Gotifeʼmo lahau layamopafiʼmo nelahaiye.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.