Mai'naya kavane 8:14 - The Keyagana NT and 25 OT books

¹⁴ Nagaemo geʼniletiʼmo alagepa huʼna aliʼna ho huʼna neʼapatove. Nagaemo afiteʼna ageʼnove. Nagaemo muki geʼamo afiʼnogeno lokiyaʼnimo haneʼniye.

Mai'naya kavane 8:14 ပူးပေါင်းရင်းမြစ်များ

Mai'naya kavane 1:25

Aliʼna api aiʼna lapateʼnovana olapauʼnigetapa lapavenatuʼna hetapa atalegekana hutapa ataletetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo lapakameʼyamo namiʼnae.

Mai'naya kavane 18:1

Alu vayaʼmo apataleno uno aoteʼmo neʼmaiya vekamoʼmo agaiʼa kavafekeʼmo agesamo neʼafiye. Alu vayaʼmogi huʼnaya geeʼmo agesamo noʼafiye.

Mai'naya kavane 19:20

Kagaemo henaga kanalekamo afiteka agesanafeʼmo aliʼa api aiʼa katesaya gemo afige aliʼa kaya malesaya gemo afige huvo.

Mai'naya kavane 24:5

Afiteno ageʼniya vekamoʼmo lokiyaʼamo haneʼniye. Gemo neʼafiya vekamoʼmo magoʼeʼmagoʼe huno lokiyaʼamo aligiye.

Mai'naya kavane 3:21

Mafaʼneʼnimogae, huʼna, afiteka ageʼnana kavateʼmo alagepa huka yagaiyo. Afiteka aliʼyaʼmo neʼalina kavakaleʼmo atafauka alagi huvo.

Aiyeya 40:14

Ina laʼeʼmo gemo afisiyafeʼmo ge huge afige huno maiʼniye. Ina laʼmo alino aya maleʼnigeno alagepa kateʼmo uʼniye. Ina laʼmo agaemo muki alagepa agesa afi yaʼe afiteno ageʼniya kavaʼeʼmo alino aya maleʼniye.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Yoni 1:9

Ani vekamo alagi lama ge alagepa ha le vekamoʼmo muki vayaʼmo ma mopafiʼmo afole neʼaiya vayaʼmo ha le yaʼmo alino neʼapamiye.

Lomu 1:22

Apakaemo, afiteta ageʼnona vayaʼmo maiʼnone, huʼa nehuʼapaeʼmo negi vayaʼmo hamaleʼnae.

1 Kolitiyani 1:24

Nehayaʼmonanafa Gotiʼa keya aeno ge huʼniya vayapiʼmo Yu nofi vayanagi Yu nofi vayapatiʼmo oʼmaiʼnaya vayaʼmogi, Kalaisiʼa Goti ayamufaʼaʼe ageteno afiʼniya kavaʼaʼeʼmo maiʼniye, huʼa ageʼa aeto nehae.

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

Kolosi 2:3

Hogote kagemi yaʼapimo aliʼa fala kiʼa neʼmalaya kava huno Kalaisipiʼmo muki alagepa huʼa afiteʼa agesaya kavaʼe afisaya kavaʼeʼmo fala kino haneʼniye.