Mai'naya kavane 7:7 - The Keyagana NT and 25 OT books

⁷ Apakeʼnovana mago alagepa apakesa afi yaʼmo ohaneʼniya neya vayaʼmo umenitata nehageʼna apakeʼnove. Mago neya vekamo agesa afi yaʼmo alagi ohaneʼniye.

Mai'naya kavane 7:7 ပူးပေါင်းရင်းမြစ်များ

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Mai'naya kavane 1:22

Oʼafiʼnaya vayaʼmogitapamo na magi afinaʼmo gemo oʼafitapa maime maime neʼutapa gemo noʼafiya kavafeʼmo olapaugiye. Ge neʼafiya kavafeʼmo huʼa faipa huʼa ateteʼa apakameʼyamo neʼamiya vayaʼmogi huʼa faipa huʼa neʼataya kavafeʼmo apamogaga neʼaiye. Negi vayaʼmogi afisayafeʼmo nohapaiye.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Mai'naya kavane 1:4

Ani gemoʼmo oʼafiʼnaya vayaʼmogi afiteʼa alagepa kavaʼmo hisayafeʼmo alino apave ligiye. Neya vayaʼmo afiteʼa agesayafeʼmo alino apave ligiye. Afiteno ageʼnisiya vekamoʼmo ani gemo afitenoʼaeʼmo magoʼe huno afiteno agegaiye.

Mai'naya kavane 10:13

Afiʼa aeto nehaya vayaʼmogi afiteʼa neʼagaya gemo nehayaʼmonanafa apakesamo ohaneʼniya vayaʼaina kayoʼmo apamigae.

Mai'naya kavane 12:11

Hoyamo neʼvaiya vekamoʼmo neʼyaʼmo neno amu hugiyaʼmonanafa aliʼyaʼmo oʼaliʼa alu ya alu yafeʼmo apamogaga neʼaiya vayaʼmogi afiʼa aeto nosae.

Mai'naya kavane 14:15

Alagepa huno oʼafiʼniya vekamoʼmo muki geʼapieʼmo lama geʼageʼmo haneʼniye, huno nehiyaʼmonanafa alagepa kavaʼmo hisiyafeʼmo ageʼniya vekamoʼmo nehiya kavaʼaeʼmo alagepa huno agesamo neʼafiye.

Mai'naya kavane 14:18

Alagepa huʼa oʼafiʼnaya vayaʼmogimo afoʼapimogi negi nagi kavaʼmo aliʼnayaʼmonanafa alagepa kavaʼmo hisayafeʼmo ageʼnaya vayaʼmogi afiʼa aeto nehaya kavaʼmoʼa kini vayaʼmogi kakolitagana huno apakenopaleʼmo haneʼniye.

Mai'naya kavane 19:2

Vayaʼmogimo afiteʼa ageʼnaya kavaʼmo oʼalisayaʼmoʼmo hosugiye. Malage huʼa gemo nehaya vayaʼmogimo hosu kavaʼmo nehae.

Mai'naya kavane 19:25

Kagaemo himuʼnamu nehiya vekamo kayoʼmo amisanagenoʼaeʼmo gemo oʼafiʼniya vekamoʼmo alagepa kavaʼmo hisiyafeʼmo gemo afigiye. Kagaemo gemo afino aeto nehiya vekamo alika api aika atesanagenoʼaeʼmo magoʼe huno afigiye.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Mai'naya kavane 24:30

Nagaemo uʼneʼna huʼna ageʼnovana alagaʼmo haeʼnigeno afino aeto nosiya vekamo hoyaʼafiʼmo aufe nofiʼmoʼa kino ati kaeʼnigeno kegiʼyaʼamo ago aino halagape vaiʼnigeʼna ageʼnove.

Mai'naya kavane 27:12

Alagepa kavaʼmo hisiyafeʼmo ageʼniya vekamoʼmo hunoʼaeʼmo, Mani kateʼmo visuvana hosu kavaʼmo afole aigiye, huno agetenoʼaeʼmo ani kaʼmo ataleno uno fala nekiyaʼmonanafa negi vayaʼmogi oʼageʼa fikumo neʼvageʼapaemo kayoʼmo neʼapamiye.

Mai'naya kavane 5:1

Mafaʼneʼnimogae, huʼna, geʼnimo kagetafo huka afiyo. Kagetafo huka geʼnimo afiyo.

Mai'naya kavane 6:20

Mafaʼneʼnimogae, huʼna, afokamoʼnamo afiyo, huʼna nehuva geʼe itakamo keʼaepa geʼeʼmo amagika oʼatalo.

Mai'naya kavane 6:32

Hugiyaʼmonanafa a kanoʼeʼmo kumai kavaʼmo huʼnisiya vekamoʼmo ika ika kavaʼmo huteno negi nagi kavaʼmo hugiye. Agaiʼamo alino hosu huno ategaiye.

Mai'naya kavane 8:5

O mafaʼnegana huno apakesamo haneʼnigeʼa gemo noʼafiya vayaʼmogitapae, huʼna, alagepa kavaʼmo hisayafeʼmo lapakesa afi yaʼmo aliyo. Negi vayaʼmogitapae, huʼna, alagepa huta afisaya lapaipamo aliyo.

Mai'naya kavane 9:16

Ina ge huno keya aeno ge hunoʼaeʼmo, Lapakesamo ohaneʼnigetapa ge noʼafiya vayanagi noʼnifiʼmo etapa haiteyo, huno hapa nepaiye. Ani a kanomoʼa afino aeto nosiya vekaeʼmo hunoʼaeʼmo,

Mai'naya kavane 9:4

Apakaemo huʼapaeʼmo, lapakesamo ohaneʼnigetapa gemo noʼafiya vayaʼmogitapae, huʼa, afiteʼa neʼagaya nopiʼmo etapa uta haiyo. Ani a kanomoʼa afiʼa aeto nosaya vayaʼaifeʼmo hapa painoʼaeʼmo,

Matiyu 15:16

asole afinaʼmo afiʼnayaʼmonanafa lapakaeʼeʼmo afita aeto nosafiye.